Փաշինյան. ԱԱԾ-ն Թևանյանի դեմ հաղորդում կուղարկի ՔԿ, Թևանյան. Կոկորդին է կանգնելու. ՏԵՍԱՆՅՈՒԹ

ԱԺ ընտրությունների նախընտրական քարոզարշավի ժամանակ «Քաղաքացիական պայմանագիր» կուսակցության առաջնորդ Նիկոլ Փաշինյանը հայտարարել է, որ իրենք հանցագործության մասին հաղորդում կներկայացնեն Քննչական կոմիտե, ակնկալելով, որ «Մայր Հայաստան» դաշինքի առաջնորդ Անդրանիկ Թևանյանի դեմ քրեական գործ կհարուցվի հայրենիքի դավաճանության հոդվածով։

Փաշինյանը, դիմելով իր աջակիցներին, խոստացել է, որ «լրտեսական ցանցը» արմատախիլ կարվի.
«Վաղը Հայաստանի Հանրապետության Ազգային անվտանգության ծառայությունը սահմանված կարգով հանցագործության մասին հաղորդում կուղարկի Քննչական կոմիտե՝ ակնկալելով, որ Անդրանիկ Թևանյանի դեմ քրեական գործ կհարուցվի հայրենիքի դավաճանության հոդվածով… Լրտեսական ցանցը մենք ի վերջո, վերջնական և ամբողջական արմատախիլ ենք անելու Հայաստանի Հանրապետությունից»։

Անդրանիկ Թևանյանն արձագանքել է Փաշինյանի այս հայտարարությանը՝ նշելով, որ դա վկայում է իշխանությունների վախերի և «փրփուրներից կախվելու» մասին։ Նա մեղադրել է վարչապետին իրավապահ համակարգին ուղիղ ցուցումներ տալու մեջ.

«Հաճախորդը հուզված է, նյարդայնացած է, փրփուրներից է կախվում… Փաստացի ինքը հրահանգներ է իջեցնում իրավապահ համակարգին և ցուցումներ է տալիս, թե ում պետք է կալանավորեն և ում ոչ»։

Թևանյանը եզրափակել է իր խոսքը՝ Փաշինյանին անվանելով «պետական դավաճան» և զգուշացնելով, որ նա արժանանալու է Միխեիլ Սաակաշվիլու ճակատագրին.

«Ուրեմն իմացիր, Նիկոլ Փաշինյան, դու պետական դավաճան ես և Սաակաշվիլու օրվան երնեկ ես տալու»։

Մանրամասները՝ տեսանյութում։