19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ինչպես անել, որ 1 ժամում 1 աշխատողը 5 դոլարից շատ արժեք ստեղծի․ նախարարի պաշտոնակատարն առաջարկ ունի
Տնտեսություն
23.11.2018 | 16:22
«Հայաստանում 1 աշխատողը 1 ժամում ստեղծում է 5 ԱՄՆ դոլարին համարժեք արդյունք: Արևմտյան Եվրոպայի առավել զարգացած տնտեսություններում այդ ցուցանիշը 12 անգամ է բարձր, իսկ ի՞նչ պետք է անել, որ Հայաստանում մասնավոր հատվածը ներկայացնող ձեռնարկություններում արտադրողականությունը ևս բարձրանա»,- այսօր հրավիրված մամուլի ասուլիսի ժամանակ ասաց Տնտեսական զարգացման և ներդրումների նախարարի պաշտոնակատար Տիգրան Խաչատրանը՝ նշելով, որ իր բարձրաձայնած խնդրի լուծման համար անհրաժեշտ է ընդամենը իրականացնել տեխնիկական վերազինման աշխատանքներ, որի արդյունքում 1 ժամում 1 աշխատողի ստեղծած արդյունքը կհամապատասխանի առավել զարգացած տնտեսությունների ցուցանիշներին։
Նախարարի պաշտոնակատարի խոսքով՝ այդ նպատակով է, որ տեխնոլոգիաների ներկրումը ազատվում է հարկերից։
«Մեծ ցանկ կա, հատկապես կապիտալ նշանակության ապրանքների, որոնք սահմանին ներմուծման ժամանակ ազատված են հարկերից: Այս տարի առաջարկել ենք ցանկը լրացնել այն սարքերով, հումքերով, որոնք Հայաստանում չեն արտադրվում, և չկա արտադրելու հնարավորություն: Եթե լինի հնարավորություն հումք կամ սարք ստեղծելու, կամ լինի արտադրող, ներկրվող ապրանքները հարկերից ազատ արձակելով մենք կստեղծենք անհավասար պայմաններ»,– ասաց Տիգրան Խաչատրյանը:
Տիգրան Խաչատրյանը նաև հավելեց, որ տնտեսության մասնավոր հատվածում մրցակցությունը այն հիմնական գործընթացն է, որին ուշիուշով հետևելու է Տնտեսական զարգացման և ներդրումների նախարարությունը։
