02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
ՆԱՏՕ-ի ինքնաթիռները Լատվիայում օդ են բարձրացվել անօդաչու թռչող սարքի պատճառով
Քաղաքականություն
17.05.2026 | 20:32
ՆԱՏՕ-ի ինքնաթիռները Լատվիայում օդ են բարձրացվել այն բանից հետո, երբ մայիսի 17-ի կիրակի առավոտյան անհայտ անօդաչու թռչող սարք է ներխուժել երկրի օդային տարածք, ապա լքել այն։ Այս մասին հայտնել են Լատվիայի զինված ուժերը։
«Ազգային զինված ուժերը անհապաղ մարտական պատրաստության են բերել այդ տարածաշրջանում տեղակայված շարժական հակաօդային պաշտպանության ստորաբաժանումները, որոնք տեղափոխվել են նշված շրջան և զբաղեցրել դիրքեր։ Գործի են դրվել նաև կործանիչներ, որոնք մասնակցում են ՆԱՏՕ-ի՝ Բալթյան երկրների օդային տարածքի պարեկային առաքելությանը»,- ասվում է զինվորականների հայտարարության մեջ, որը հրապարակվել է X սոցիալական հարթակում։
Լատվիայի զինված ուժերը հավելել են, որ նման միջադեպերը «մնում են հնարավոր», քանի դեռ շարունակվում է Ռուսաստանի պատերազմն Ուկրաինայի դեմ։ Հայտարարության մեջ չի նշվում, թե որ երկրին է պատկանել անօդաչու սարքը։
