21.01.2026 | 20:00
ԹՐԻՓՓ-ի ծրագիրը գրել են, թե խաղաղություն է, բայց ես հավատացնում եմ՝ դա ռեգիոնալ ական է․ Արամ Մանուկյան․ ՏԵՍԱՆՅՈՒԹ
Գաբրիել Ղազարյանը չի միջամտի Բռնցքամարտի ֆեդերացիայի խնդիրներին, կողմնակից է հարցերն օրենքի շրջանակում լուծելուն
23.11.2018 | 14:53
ՀՀ սպորտի և երիտասարդության հարցերի նախարարի պաշտոնակատար Գաբրիել Ղազարյանն այսօր հրավիրված մամուլի ասուլիսի ժամանակ անդրադառնալով պետությունից ֆեդերացիաներին հատկացվող գումարների ավելացմանը, նշեց, որ գումարների ավելացման համար արդեն իսկ ծրագիր է ներկայացվել ՀՀ կառավարություն, քանի որ նախաօլիմպիական տարում անելիքները շատ են:
Խոսելով ֆեդերացիաներից մեկում՝ Հայաստանի բռնցքամարտի ֆեդերացիայում, տիրող իրավիճակի մասին, նախարարի պաշտոնակատարն ասաց, որ նախարարությունը որևէ կողմի չի պաշտպանում, այլ կողմնակից է հարցերն օրենքի շրջանակում լուծելուն։
Գաբրիել Ղազարյանը ներկայացրեց նաև մարզիկների նվաճած մեդալների վիճակագրությունն ու ասաց, որ 2018թ.-ի մեկնարկից մինչ այժմ բոլոր մարզաձևերից հայ մարզիկները վաստակել են 173 մեդալ։
«4 մարզաձևեր դեռևս չեն ավարտել մարզական տարին և մի քանի մեդալների սպասելիքներ դեռ կան: 2019 թվականը հայկական սպորտում դժվար և ծանր է լինելու: Պատճառն այն է, որ տարին նախաօլիմպիական է: Բացի այդ, 2019 թվականին Մինսկում կայանալու են երկրորդ եվրոպական խաղերը: Այս պահին ունենք մեկ ուղեգիր թիավարություն մարզաձևից, իսկ եվրոպական խաղերի 10 մարզաձևերից մասնակիցները կարող են Տոկիո-2020-ի ուղեգրեր նվաճել»,- ասաց նախարարի պաշտոնակատարը։
