02.07.2026 | 23:29
Կալանավորվել է գնդապետ Էդիկ Մալոյանը
Երբ կկառուցվի Արթուր Ալեքսանյանի անվան մարզադպրոցը․ Գաբրիել Ղազարյանը վստահ է՝ սառույցը կոտրվել է
23.11.2018 | 13:55
Դեռևս 2017 թվականին ՀՀ Շիրակի մարզի Գյումրի քաղաքում պետք է սկսվեին Արթուր Ալեքսանյանի անվան հունա-հռոմեական ըմբշամարտի մանկապատանեկան մարզադպրոցի կառուցման աշխատանքները:
Այս մարզադպրոցի կառաւցման հետ կապված էլ Շիրակի նախկին մարզպետ Ֆելիքս Ցոլակյանը մի անգամ ասել էր, որ 5 տարի է՝ օլիմպիական չեմպիոն Արթուր Ալեքսանյանի մարզադպրոցը չի կառուցվում, չնայած խոստումը տվել են, բայց չեն կառուցում, նույնիսկ համապատասխան նախագիծը չկա:
Այսօր Հայաստանի սպորտի և երիտասարդության հարցերի նախարարի պաշտոնակատար Գաբրիել Ղազարյանը լրագրողների հետ հանդիպման ժամանակ, անդրադառնալով այս խնդրին, նշեց, որ Ալեքսանյանի անվան մարզադպրոցի կառուցման հարցում սառույցը կոտրվել է։
«Արթուր Ալեքսանյանի անվան հունա-հռոմեական մարզադպրոցի կառուցման համար նախահաշվարկային աշխատանքներն արդեն կատարվել են, սառույցը կոտրվել է, սակայն վերջնական ժամկետներ, թե երբ կավարտվեն աշխատանքները՝ չկան»,- ասաց նախարարի պաշտոնակատարը։
Հիշեցնենք, որ Սպորտի և երիտասարդության հարցերի նախարարությունը դեռևս 2017 թվականին տարածել էր հաղորդագրություն, որտեղ նշված էր․ «2017 թվականին սկսվելու են ՀՀ Շիրակի մարզի Գյումրի քաղաքի «Արթուր Ալեքսանյանի անվան հունա-հռոմեական ըմբշամարտի մանկապատանեկան մարզադպրոց» ՀՈԱԿ-ի կառուցման աշխատանքները: Այս պահին հայտարարվել է մրցույթ` նախագծա-հաշվարկային աշխատանքների կազմման համար»:
Փաստորեն, եթե 2017 թվականից մինչ 2018 թվականի տարեվերջ դեռ միայն կատարվել են նախահաշվարկային աշխատանքներ, իսկ դրանց ավարտման ժամկետներն էլ հայտնի չեն, նշանակում է, դեռ սառույցը կոտրված չէ և սայլը շարունակում է նույն տեղում մնալ։
