16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ռուսական ինքնաթիռի կողմից նետված ավիառումբն է հանգեցրել Բելգորոդի մարզում գնացքի ռելսերից դուրս գալուն. աղբյուր
Քաղաքականություն
14.05.2026 | 22:14
Ռուսական կործանիչի կողմից նետված հզոր ավիառումբը մայիսի 13-ին Բելգորոդի մարզում էլեկտրագնացքի ռելսերից դուրս գալու պատճառ է դարձել, հաղորդում է MNS-ը՝ հղում անելով սեփական աղբյուրին: Շրջանի արտակարգ ծառայությունների աղբյուրը հաստատել է տեղեկությունը «Пепел Белгород»-ին, գրում է The Insider-ը:
Ըստ MNS-ի՝ ռուսական ինքնաթիռի մարտական առաջադրանքի ժամանակ ФАБ-500-ը պատահաբար ընկել է։ Ռումբը Յակովլևսկի շրջանում ընկել է երկաթուղային գծերի վրա։ Այն չի պայթել, սակայն վնասել է գծերը։ Արդյունքում Բելգորոդ-Տոմարովկա գնացքի երկու վագոն ընթացքի ժամանակ դուրս է եկել գծերից, 75-ամյա մի կին վիրավորվել և հոսպիտալացվել է։
Բելգորոդի մարզի նահանգապետ Վյաչեսլավ Գլադկովը (միջադեպի մասին հաղորդվել էր նրա հրաժարականի մասին հայտարարությունից մի քանի ժամ առաջ) իր տելեգրամ ալիքում գրել է, որ երկաթուղային գծերի վնասը «կարող էր առաջանալ պայթուցիկ սարքի պայթյունից»։ Պաշտոնյան շուտով խմբագրել էր գրառումը՝ հեռացնելով պայթուցիկ սարքի մասին հիշատակումը։
Թարգմանությունը՝ Էմմա Չոբանյանի
