21.01.2026 | 21:44
Հոգևորականը երեկ միացել էր Փաշինյանին, այսօր՝ Գարեգին Բ-ին․ ճնշումների մասին ահազանգեր. ՏԵՍԱՆՅՈՒԹ
Սփյուռքի նախկին նախարարը իմացե՞լ է չարաշահումների մասին, եթե այո՝ ինչո՞ւ չի կանխել․ քննությունն այս հարցերը պետք է պարզի. Մ. Հայրապետյան
Քաղաքականություն
23.11.2018 | 11:48
Ի սկզբանե, երբ հայտարարեցինք, որ Սփյուռքի նախարարության կողմից նախկինում իրականացված «Արի տուն» և մի շարք այլ ծրագրերի թափանցիկության հետ կապված կան լուրջ մտահոգություններ, մամուլում եղան քննադատական հոդվածներ մեր կասկածների վերաբերյալ, սակայն Քննչական կոմիտեի կողմից իրականացված քննչական գործողությունների հետևանքով պարզվեց, որ մեր կասկածները ճիշտ են։
«Հայրենիք-Սփյուռք» ՊՈԱԿ-ում հայտնաբերվեցին չարաշահումներ, արդեն իսկ ՊՈԱԿ-ի տնօրենը փոխհատուցել է պատճառված վնասի մի մասը, և ինչպես ասում են Քննչական կոմիտեից, բացահայտման աշխատանքները շարունակվում են և շուտով հայտնի կդառնան այդ ՊՈԱԿ-ում չարաշահումների մասնակից այլ մարդկանց անուններ»,- այսօր հրավիրված մամուլի ասուլիսի ժամանակ ասաց նախարարի պաշտոնակատարը։
Մխիթար Հայրապետյանը նշեց, որ դեռ քննությամբ պետք է պարզվի՝ երբ ՊՈԱԿ-ի տնօրենը իրականացրել է չարաշահումներ, այդ ժամանակվա սփյուռքի նախարարն իմացե՞լ է այդ մասին, թե՝ ոչ, եթե իմացել է, ինչո՞ւ չի կանխել։
Սփյուռքի նախարարի պաշտոնակատարը լրագրողներին խորհուրդ տվեց «Հայրենիք-Սփյուռք» ՊՈԱԿ-ում բացահայտված չարաշահումների վերաբերյալ դեռ սպասել քննչական մարմինների աշխատանքի ավարտին և վստահեցրեց․ «Իմ օրոք Սփյուռքի նախարարության որևէ պաշտոնյա չի կարող իրականացնել չարաշահում, իսկ եթե իմ նախարար աշխատած ժամանակաշրջանում որևէ մեկը չարաշահում անի, ապա անմիջապես կենթարկվի պատասխանատվության»։
