21.01.2026 | 18:19
«Արսենալն» ակումբային ռեկորդ է սահմանել Չեմպիոնների լիգայում
Թուրքիան, Ադրբեջանը և Վրաստանն առաջիկայում համատեղ զորավարժություն կանցկացնեն
Քաղաքականություն
22.11.2018 | 21:51
Նոյեմբերի 21-ին Բաքվում եռակողմ հանդիպում է տեղի ունեցել, որին մասնակցել են Թուրքիայի գլխավոր շտապի պետ, բանակի գեներալ Յաշար Գյուլերը, Վրաստանի զինուժի գլխավոր շտաբի պետ Վլադիմիր Չաչիբայան և Ադրբեջանի պաշտպանության նախարար Զաքիր Հասանովը. փոխանցում է ermenihaber-ը:
Հանդիպմանը քննարկվել են երեք երկրների ռազմական համագործակցության ընդլայնման նախագծերը, տարածաշրջանում տիրող իրավիճակը և ահաբեկչության դեմ պայքարի խնդիրը։
Որոշում է կայացվել առաջիկայում 3 երկրների զինված ուժերի մասնակցությամբ կազմակերպել համատեղ զորավարժությունները։ Սակայն առայժմ հստակ ամսաթիվ չի նշվում։
«Մենք անկեղծ մտքեր փոխանակեցինք մեր տարածաշրջանում տեղի ունեցող իրադարձությունների վերաբերյալ։ Նկատեցինք, որ 3 երկրների տեսակետները մոտ են։ Թուրքիան, Ադրբեջանը և Վրաստանը նույն դիրքորոշումն ունեն մասնավորապես տարածաշրջանային, անվտանգության, կայունության և համագործակցության հարցերում։ Միևնույն դիրքորոշումը կա նաև հակամարտությունների վերաբերյալ, ըստ որի՝ դրանք պետք է լուծվեն խաղաղ ճանապարհով, միջազգային իրավունքի նորմերի շրջանակներում՝ պահպանելով տարածքային ամբողջականության սկզբունքը»,- ասել է Թուրքիայի զինված ուժերի գլխավոր շտաբի պետը:
Հաջորդ եռակողմ հանդիումը տեղի կունենա 2019-ին Թուրքիայում։
