12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ատոմային և արևային էներգետիկայի զարգացումը՝ Հայաստան-Ղազախստան համագործակցության օրակարգում
Տնտեսություն
06.05.2026 | 15:28
ՀՀ տարածքային կառավարման և ենթակառուցվածքների նախարար Դավիթ Խուդաթյանը Ղազախստանի ատոմային էներգիայի գործակալության նախագահ Ալմասադամ Սատկալիևի գլխավորած պատվիրակության հետ հանդիպմանը քննարկել է էներգետիկ ոլորտում առկա միտումները, ինչպես նաև ատոմային և արևային էներգետիկայի զարգացման հեռանկարները։ Կողմերը պատրաստակամություն են հայտնել շարունակել համագործակցությունն ու իրականացնել փորձի և տեղեկատվության փոխանակում։
«Հայաստանի տարածքային կառավարման և ենթակառուցվածքների նախարար Դավիթ Խուդաթյանն ընդունել է Ղազախստանի Հանրապետության ատոմային էներգիայի գործակալության նախագահ Ալմասադամ Սատկալիևի գլխավորած պատվիրակությանը։
ՀՀ ՏԿԵ նախարարությունից հայտնում են, որ նախարարը ողջունել է հյուրերին և կարևորել Հայաստան-Ղազախստան սերտ համագործակցությունը՝ ԱՊՀ անդամ պետությունների Խաղաղ նպատակներով ատոմային էներգիայի օգտագործման բնագավառում։
Հանդիպման ժամանակ անդրադարձ է կատարվել էներգետիկ ոլորտում առկա միտումներին, ատոմային և արևային էներգետիկայի զարգացման հեռանկարներին։ Կողմերը պատրաստակամություն են հայտնել շարունակել համագործակցությունն այս ոլորտում, իրականացնել փորձի և տեղեկատվության փոխանակում»,- ասված է հաղորդագրությունում։
