07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
ԿԸՀ-ն պետք է դիտարկի ՔՊ-ի վարչական ռեսուրսի չարաշահման մտահոգությունները. Արմեն Ռուստամյան․ ՏԵՍԱՆՅՈՒԹ
Քաղաքականություն
22.11.2018 | 13:50
ԿԸՀ-ն պետք է դիտարկի «Քաղաքացիական պայմանագիր» կուսակցության կողմից վարչական ռեսուրսի չարաշահման մտահոգությունները:
Այսօր՝ նոյեմբերի 22-ին ՀՀ Ազգային ժողովում լրագրողների հետ զրույցում այս մասին ասաց ՀՅԴ խմբակցության ղեկավար Արմեն Ռուստամյանը: «Նիկոլ Փաշինյանի հանդիպումների որոշ հատվածներ քարոզչություն են: Երբ ուղղակի կամ անուղղակի խոսքը գնում է այն մասին, որ պետք է քվե տան կոնկրետ քաղաքական ուժի, իսկ դա հենց քարոզչության ժամանակ է թույլատրված, միշտ էլ այդպիսի տպավորություն առաջանալու է»,- հավելեց նա:
Արմեն Ռուստամյանը կարծում է, որ սրանից ոչ մի հասարակության չի հաջողվել հարյուր տոկոսով ազատվել, իշխող ուժերը միշտ էլ ունենում են առավելություններ՝ իրենց պաշտոնական դիրքն ուղղակի կամ անուղղակի իրականացնելու:
«Ես պարզապես կոչ կանեի, որ դրանք առնվազն նման բացահայտ բնույթ չկրեն, որ նման հետևությունների տեղիք չտան: Հասկանում եմ, որ մենք միշտ էլ այդ խնդիրն Ընտրական օրենսգրքերի քննարկումների ժամանակ ունեցել ենք, թե ինչպես կարող ենք հստակ սահմանազատել՝ երբ է սկսվում քարոզչությունը և դրանից առաջ ինչ քայլերն են, որ պետք է դիտվեն այդ քարոզչության առավելությունները դրսևորելու դեպքեր: Դրանով պետք է առաջին հերթին զբաղվի ԿԸՀ-ն»,- նշեց Ռուստամյանը:
Մանրամասները՝ տեսանյութում։
