29.06.2026 | 13:37
Ինչո՞ւ եք 4 օր անց արձագանքել ժամը 20-ից հետո ընթացող քվեարկություններին․ ՍԴ դատավորը՝ ԿԸՀ նախագահին․ ՏԵՍԱՆՅՈՒԹ
ԱՄՆ-ն փորձում է Հայաստանին «պոկել» Ռուսաստանից․ Stratfor
Քաղաքականություն
22.11.2018 | 13:52
ԱՄՆ-ն մտադիր է ավելացնել ճնշումը Ռուսաստանի սահմանների վրա, դրանց ամբողջ երկայնքով՝ Արևելյան Եվրոպայից մինչև Հարավային Կովկաս և Կենտրոնական Ասիա։ Այս մասին գրում է ամերիկյան Startfor վերլուծական գործակալությունը։ Startfor-ի կանխատեսման համաձայն՝ Վաշինգտոնի ճնշումները Մոսկվայի վրա հաջորդ տարիներին ավելի աճելու են։
«Մոսկվայի վրա ճնշում գործադրելու կարևոր էլեմենտներից մեկն էլ ԱՄՆ-ի հարաբերությունների խորացումն է խորհրդային նախկին հանրապետությունների հետ՝ Արևելյան Եվրոպայից Կովկաս և Կենտրոնական Ասիա։ Ռուսաստանի վերելքն ու անկումը, որպես տարածաշրջանային ու համաշխարհային տերություն, պատմականորեն կախված է եղել այս տարածքները վերահսկելու կարողությունից։ Եվ այս պետությունները կարևոր դեր են խաղացել ԱՄՆ ռազմավարության մեջ ընդդեմ Ռուսաստանի։ Եվ քանի որ Մոսկվայի և Վաշինգտոնի միջև լարվածությունը աճում է, հետևաբար այս սահմանամերձ պետությունները կդառնան հիմնական թատերաբեմը ԱՄՆ-ի և Ռուսաստանի միջև մրցակցության»,- նշում են հոդվածի հեղինակները։
Անդրադառնալով Հարավային Կովկասին՝ հոդվածի հեղինակները նշում են, որ Վաշինգտոնը կենտրոնացնելու է իր ուշադրությունը Հայաստանի կառավարության հետ կապերի ամրապնդման վրա։
«Ավանդաբար Հայաստանը ամենամտերիմ դաշնակիցներից մեկն է, այս երկիրը անդամակցում է ՀԱՊԿ-ին և ԵՏՄ-ին։ Բայց վերջին ամիսներին, երբ իշխանության եկավ ընդդիմության առաջնորդ Նիկոլ Փաշինյանը, Հայաստանի և Ռուսաստանի միջև քաղաքական լարվածություն առաջացավ։ ԱՄՆ-ն հույս ունի օգտագործել այս լարվածությունը՝ սեպ խրելու Հայաստանի և Ռուսաստանի միջև, ինչպես արդեն փորձել են անել։ Այս մասին վկայում է անցյալ ամիս ԱՄՆ նախագահի անվատանգության հարցերով խորհրդական Ջոն Բոլթոնի Հայաստան կատարած այցը, երբ նա խոսեց Հայաստանին զենք վաճառելու ԱՄՆ հետաքրքրության մասին։ Մոսկվան իր հերթին Բոլթոնի առաջարկը դիտարկեց որպես ուղիղ մարտահարվեր, քանի որ հիմա Հայաստանին զենք վաճառելու մոնոպոլիան Ռուսաստանինն է և այս փոքրիկ պետությունում ունի 5000 զինծառայող։ Չնայած Հայաստանը վերջնարդյունքում չի հրաժարվի Ռուսաստանի հետ դաշնակցային հարաբերությունններից, բայց նրանց միջև քաղաքական տարաձայնությունները ԱՄՆ-ին կարող են հնարավորություն տալ Մոսկվայի շրջապատից պոկել կարևոր դաշնակցի»,- գրում են հոդվածի հեղինակները։
Խոսելով Ադրբեջանի մասին՝ հոդվածագիրները նշում են, որ Ադրբեջանի վրա ԱՄՆ ուշադրությունը հատկապես մեծ է Իրանին ճնշելու տեսակետից։ «Ադրբեջանի հարաբերություններն իր հարավային հարևանի հետ կլինեն ավելի լարված, քանի որ այդ երկրի կառավարությունը փորձելու է պահպանել արտաքին քաղաքական բալանսը՝ մասնակցելով ԱՄՆ-ի՝ Իրանին զսպելու գործողություններում»,-նշվում է հոդվածում։
