Ես զարմանում եմ՝ ի՞նչ է մտածել ՀՀԿ-ն, որ Դավիթ Շահնազարյանին վերցրել է ցուցակ. Ալեն Սիմոնյան․ ՏԵՍԱՆՅՈՒԹ

Ես զարմանում եմ՝ ի՞նչ է մտածել ՀՀԿ-ն, որ Դավիթ Շահնազարյանին վերցրել է ցուցակ: Այսօր՝ նոյեմբերի 22-ին ՀՀ Ազգային ժողովում լրագրողների հետ զրույցում այս մասին ասաց «Ելք» խմբակցության պատգամավոր Ալեն Սիմոնյանը:

Դիտարկմանը, թե Դավիթ Շահնազարյանն ասել է, որ «Իմ Քայլը» դաշինքի ընտրացուցակում քաղաքական առնետների են ներգրավել, պատգամավորն արձագանքեց. «Դավիթ Շահնազարյանի մասին առաջին իմ վառ տպավորությունը, որ ունեցել եմ, Մարտի 1-ին նախորդող օրն էր, երբ ես գտնվում էի Մյասնիկյանի արձանի մոտ, և պարոն Շահնազարյանը եկել էր ու մարդկանց, ովքեր հավաքվել էին դեսպանատների մոտ, որպեսզի պաշտպանվեն այն օրվա իշխանության գործողություններից, փորձում էր համոզել, որ նրանք այդտեղից տեղափոխվեն «Հրազդան» մարզադաշտ: Նա թող դեռ էդ հարցի պատասխանը տա, թե ինչու էր ուզում այդ մարդկանց այդտեղից տանել, թող իր անցած ճանապարհը նայի, նոր մեր թիմի մասին խոսի»:

Ինչ վերաբերում է Նիկոլ Փաշինյանի մարզային այցերին, որոնք քարոզչություն և վարչական ռեսուրսի կիրառում են գնահատվել. «Պարոն Փաշինյանն առաջին իսկ օրվանից զբաղվել է և այցելել է մարզեր: Քարոզչության այն 12 օրը, որ ունենք այսօր, կարգավորում է կանոնները, որոնք գործելու են, որպեսզի ապահովեն հավասար պայմաններ»,- ասաց Սիմոնյանը:

Այդ այցերը լայնորեն լուսաբանելու մասին էլ պատգամավորն ասաց. «ՔՊ-ն չի տիրապետում որևէ հեռուստաալիքի՝ ի տարբերություն ՀՀԿ-ի, ՀՅԴ-ի, ԲՀԿ-ի: Մենք չունենք որևէ լրատվամիջոց»:

Մանրամասները՝ տեսանյութում