22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Կառավարությանն ավելի հաշվետու դարձնելու Ձեր ջանքերը, մեղմ ասած, ժամանակավրեպ են. Արարատ Միրզոյանը՝ Արմեն Աշոտյանին․ ՏԵՍԱՆՅՈՒԹ
Քաղաքականություն
22.11.2018 | 13:23
Այդպես էլ կապ չտեսա ներկայացված օրինագծի և Արմեն Աշոտյանի առաջարկի միջև:
Այսօր՝ նոյեմբերի 22-ին ՀՀ Ազգային ժողովում ունեցած ելույթում հայտարարեց առաջին փոխվարչապետի պաշտոնակատար Արարատ Միրզոյանը՝ անդրադառնալով վարչապետին տրամադրված ինքնաթիռից և ուղղաթիռից այլ բարձրաստիճան պաշտոնատար անձանց օգտվելու կարգի մասին Արմեն Աշոտյանի նախաձեռնությանը:
«Շատ, շատ փորձեցի հասկանալ, թե ինչ կապ ունի պարոն Աշոտյանի առաջարկը ներկայացված օրինագծի հետ և, անկեղծ ասած, այդպես էլ այդ կապը չտեսա:
Այս օրենքի նախագիծը երկու հասցեների, երկու ինստիտուտների հաշվառման մեջ փոխանակում անելու մասին է՝ Բաղրամյան 26-ի և Կորյունի վրա գտնվող շենքն էս կողմ տեղափոխելու, և այստեղ ի՞նչ կապ ունեն ուղղաթիռները, ինքնաթիռները և մնացած շարժական գույքը, մի քիչ հասկանալի չի»,- հավելեց նա:
Արարատ Միրզոյանի խոսքով՝ Արմեն Աշոտյանի ասածի մեխն այն էր, որ փորձում է կառավարությանն ավելի հաշվետու դարձնել: «Եվ ինչ եմ ուզում անպայման հնչեցնել այս կապակցությամբ. պարո՛ն Աշոտյան, կառավարությանն ավելի հաշվետու դարձնելու Ձեր ջանքերը, մեղմ ասած, ժամանակավրեպ են»,- հայտարարեց Միրզոյանը:
Մանրամասները՝ տեսանյութում
