14.12.2024 | 14:42
Թողարկվելու է մաեստրո Տիգրան Մանսուրյանի կինոերաժշտության ալբոմը
Այն խնդիրները, որոնց մասին բարձրաձայնելով նրանք իշխանության եկան, լուծված չեն. Վահրամ Բաղդասարյան. ՏԵՍԱՆՅՈՒԹ
Քաղաքականություն
21.11.2018 | 19:11
Այն խնդիրները, այն մեխերը, որոնց մասին բարձրաձայնելով՝ ժողովուրդը նրանց բերել է իշխանության, լուծված չեն և հեռանկարները չեմ տեսնում: Այսօր՝ նոյեմբերի 21-ինՙ ՀՀ Ազգային ժողովում լրագրողների հետ զրույցում այս մասին հայտարարեց ՀՀԿ խմբակցության ղեկավար Վահրամ Բաղդասարյանը:
«Եթե դրանք պարզապես հույսեր են, որ հեռանկարային՝ մեկ տարի հետո, երկու տարի հետո, չշտապեմ ենթադրություններ անել, մեկ-երկու տարի հետո կանդրադառնամ այս հարցերին»,- հավելեց նա:
Նրա խոսքով՝ ժամանակը ցույց կտա, թե ինչ է կատարվել. «Աշխատավարձերի բարձրացում, թոշակների բարձրացում, տնտեսական թռիչքային աճ, գահավիժող ներդրումներ, ներգաղթ և այլն, կարմիր գծերի վերացում, տեսանկահանող սարքեր… Եթե տեսել եք, դրանք մի քանի տասնյակ ավելացել են»:
Ըստ Վահրամ Բաղդասարյանի՝ նոր կառավարությունը շարունակում է իրենց թողած գիծը: «Ես վարչապետի ընտրության ժամանակ իմ ելույթում նշեցի, որ երբ աշխատեք և այս ծանր բեռը զգաք ձեզ վրա, նոր կզգաք նախորդ կառավարության արածներն ու շնորհակալություն կհայտնեք: Դեռ շնորհակալություն չեն հայտնել»,- նշեց ՀՀԿ-ական պատգամավորը:
Մանրամասները՝ տեսանյութում;
