27.07.2026 | 10:20
ՄԻՊ աշխատակազմում քննարկվել են գենդերային հավասարության և անվտանգ աշխատավայրի հարցերը
Ռոնալդու․ Կարիերայիս ավարտը մոտենում է
01.05.2026 | 13:15
Սաուդյան Արաբիայի առաջնության առաջատար «Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուն ամփոփել է անցած ուղին ու նշել, որ շարունակում է հաճույք ստանալ ֆուտբոլից։
«Կարիերայիս ավարտը մոտենում է։ Եկեք վայելենք յուրաքանչյուր հանդիպումը։
Ես շարունակում եմ խաղալ ոչ միայն այս, այլև նախորդ ու հաջորդ սերունդների համար։ Այս ամենից հաճույք եմ ստանում ամեն օր, խաղից խաղ, տարեցտարի, անգամ երբ մոտենում եմ կարիերայիս ավարտին։ Սա փաստ է։
Իմ կարիերան փայլուն է եղել, և ես ցանկանում եմ, որ այդպես էլ մնա։ Նախկինի պես բավականություն եմ ստանում ֆուտբոլից, շարունակում եմ գոլեր խփել։ Բայց, նախևառաջ, խոսքը հաղթանակի մասին է։ Եվ մենք իսկապես ցանկանում ենք հաղթել լիգան»,- 41-ամյա ֆուտբոլիստի խոսքը մեջբերում է CanalGOATBR-ը։
Հիշեցնենք, որ «Ոսկե գնդակի» 5-ակի դափնեկիրը 2023 թվականից է խաղում «Ալ Նասրում»։ Օրեր առաջ Ռոնալդուն խփել էր կարիերայի 970-րդ գոլը։
