04.06.2026 | 21:30
Եզրափակիչ բանավեճ՝ քաղաքական ուժերի առաջին համարների միջև. ՈՒՂԻՂ
ՖԻԴԵ. Հայ շախմատիստների թարմացված դիրքերը դասակարգման աղյուսակում
01.05.2026 | 12:51
Շախմատի միջազգային ֆեդերացիան (ՖԻԴԵ) ներկայացրել է ամենամսյա թարմացված դասակարգման աղյուսակը։ 100 ուժեղագույն շախմատիստների ցանկում Հայաստանն ունի երեք ներկայացուցիչ։
Շանթ Սարգսյանը 2644 վարկանիշով 74-րդ տեղում է, Հայկ Մարտիրոսյանը (2636) 89-րդն է, իսկ Արամ Հակոբյանը (2635) 92-րդն է։
Դասակարգման աղյուսակի անփոփոխ առաջատարն է աշխարհի 16-րդ չեմպիոն Մագնուս Կառլսենը (2840)։ Նորվեգացի գրոսմայստերին հաջորդում են ԱՄՆ-ի ներկայացուցիչներ Հիկարու Նակամուրան (2792) և Ֆաբիանո Կարուանան (2788)։ Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը 2724 վարկանիշով 23-րդ տեղում է։
Կանանց դասակարգման աղյուսակի թոփ-100-ում են Հայաստանի ներկայացուցիչներ Էլինա Դանիելյանը (2390 վարկանիշ, 51-րդ տեղ), Լիլիթ Մկրտչյանը (2366 վարկանիշ, 78-րդ տեղ) և Մարիամ Մկրտչյանը (2365 վարկանիշ, 79-րդ տեղ)։
