Ուկրաինական ԱԹՍ-ները կրկին հարձակվել են Տուապսեի վրա. ծովային տերմինալի տարածքում հրդեհ է բռնկվել

ՌԴ Կրասնոդարի երկրամասի օպերատիվ շտաբը հայտնել է, որ Տուապսեի ծովային տերմինալում անօդաչու թռչող սարքերի  հարձակումից հետո հրդեհ է բռնկվել։ Ոչ ոք չի տուժել, գրում է Current time-ը։

Հրդեհը մարելու համար ներգրավվել 128 մարդ և 41 միավոր տեխնիկա։

Նահանգապետ Վենիամին Կոնդրատևը նախօրեին հայտնել էր, որ Տուապսեի նավթավերամշակման գործարանում հրդեհը մարվել է:

«Դա չափազանց դժվար աշխատանք էր: Ես հասկանում եմ, թե որքան ջանք և աշխատանք է պահանջվել նման լայնածավալ հրդեհը մարելու համար, որը հաճախ կյանքի համար վտանգ էր ներկայացնում»,- գրել է նա սոցցանցում:

Սա ապրիլի կեսերից ի վեր Տուապսեի նավթային ենթակառուցվածքների վրա չորրորդ հարձակումն է։ 2026 թվականի ապրիլի 16-ին և 20-ին Տուապսեի նավթավերամշակման գործարանի վրա անօդաչուների հարձակումներից հետո այրման արգասիքները թափանցել էին մթնոլորտ, իսկ գետի ջրի մակարդակի բարձրացման պատճառով նավթը պաշտպանիչ արգելապատնեշների վրայով թափվել էր Սև ծով։ Ապրիլի 28-ի գիշերն անօդաչու թռչող սարքերը կրկին հարձակվել էին գործարանի վրա։ Տուապսեի քաղաքային շրջանում հայտարարվել էր տարածաշրջանային արտակարգ դրություն։

Ռուսաստանի Պաշտպանության նախարարությունը հայտնել է, որ մայիսի լույս 1-ի գիշերը ՀՕՊ ուժերը Բելգորոդի, Կուրսկի, Բրյանսկի, Ռոստովի, Կալուգայի և Սմոլենսկի մարզերի, Մոսկվայի մարզի, Կրասնոդարի երկրամասի, բռնակցված Ղրիմի, ինչպես նաև Սև ու Ազովի ծովերի վրա խոցել են ուկրաինական 141 անօդաչու թռչող սարք։

Թարգմանությունը՝ Էմմա Չոբանյանի