21.01.2026 | 21:13
Իրանի իշխանությունները սկսել են բռնագրավել բողոքի ցույցերին աջակցած ընկերությունների և ձեռնարկատերերի ունեցվածքը. FT
Ինտերպոլի նոր ղեկավար է ընտրվել Հարավային Կորեայի ներկայացուցիչը
Քաղաքականություն
21.11.2018 | 15:41
Ինտերպոլի նոր նախագահ է ընտրվել Հարավային Կորեայի ներկայացուցիչ Կիմ Չոն Յանը: Այս մասին գրում է Gazeta.ru-ն:
Քվեարկությունն անցկացվել է Դուբայում կազմակերպության գլխավոր վեհաժողովի 87-րդ նստաշրջանի նստաշրջանի ընթացքում: Կիմ Չոն Յանն Ինտերպոլը կղեկավարի 2 տարի:
Նշենք, որ կազմակերպության նախկին ղեկավար Մեն Հունվեյը սեպտեմբերի վերջին անհետացել էր: Ավելի ուշ պարզվեց, որ նա Չինաստանում ձերբակալվել է. այստեղ Հունվեյին կասկածում են կոռուպցիայի մեջ: Արդյունքում Մեն Հունվեյը ստիպված եղավ հրաժարական ներկայացնել:
Հավելենք, որ Ինտերպոլի նախագահի պաշտոնին հավակնում էր նաև Ռուսաստանի ներկայացուցիչ Ալեքսանդր Պրոկոպչուկը, սակայն Ուկրաինան հայտարարեց, որ Պրոկոպչուկի ընտրվելու դեպքում կդադարեցնի անդամակցությունն Ինտերպոլին: Ռուսաստանի ներկայացուցչին չաջակցելու կոչ էր հնչել նաև ԱՄՆ-ից:
