11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ստուգման ենթարկված 150 փոքր ՀԷԿ-ում ջրաչափ չի եղել․ Նիկոլ Փաշինյան. ՏԵՍԱՆՅՈՒԹ
Տնտեսություն
21.11.2018 | 13:25
150 փոքր ՀԷԿ-ում ստուգումներ ենք իրականացրել, և ոչ մեկում ջրաչափ չի եղել: Այսօր՝ նոյեմբերի 21-ին Արագածոտնում համայնքապետերի հետ հանդիպման ժամանակ այս մասին հայտարարեց ՀՀ վարչապետի պաշտոնակատար Նիկոլ Փաշինյանը:
«Մեր երկրում, եթե չեմ սխալվում, 187 փոքր ՀԷԿ կա: Դրանցից 150-ում ստուգումներ ենք իրականացրել, և պարզվել է՝ ոչ մեկում ջրաչափ չի եղել, չնայած դա հստակ օրենքի պահանջ է, որ փոքր ՀԷԿ-երը պետք է աշխատեն ջրաչափով: Էս ամեն ինչը ես ասում եմ՝ մեր երկրում գյուղատնտեսության արդյունավետության բարձրացման տրամաբանությունն ի ցույց դնելու համար»,- ասաց նա:
Նիկոլ Փաշինյանի խոսքով՝ Հայաստանում սկսվել է հակակարկտային ցանցերի արտադրությունը: «Որակի հետ կապված խնդիրներ կային հակակարկտային ցանցերում, որովհետև արևի ազդեցությամբ դրանք դեֆորմացվում էին և չէին ծառայում իրենց նպատակին: Հիմա Հայաստանում արտադրողները վստահեցնում են, որ իրենք բարձր որակի ցանցեր են արտադրելու: Եվ մենք պետք է նրանց հետ սերտորեն աշխատենք»,- նշեց նա:
Մանրամասները՝ տեսանյութում:
