Մելանյա Թրամփին մեղադրել են երեսպաշտության մեջ՝ հայտնի հաղորդավար Քիմմելի կատակը քննադատելու և նրան աշխատանքից ազատելու կոչերի համար

Լուրեր

19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
Բոլորը

ԱՄՆ առաջին տիկին Մելանյա Թրամփի և Սպիտակ տան կողմից աշխատանքից ազատելու կոչերից հետո՝ ամերիկյան թոք-շոուների հաղորդավար Ջիմի Քիմմելը պաշտպանել է իր կատակը, որում նա Մելանյա Թրամփին անվանել էր «ապագա այրի»՝ Սպիտակ տան թղթակիցների ասոցիացիայի ընթրիքի ժամանակ վերջերս տեղի ունեցած կրակոցներից ընդամենը մի քանի օր առաջ, որը հեռարձակվել է նրա «Jimmy Kimmel Live!» հաղորդման ժամանակ ապրիլի 23-ին, գրում է Euronews-ը։

«Մեր առաջին տիկին Մելանյան այսօր այստեղ է։ Նայեք Մելանյային, այնքա՜ն գեղեցիկ է։ Տիկի՛ն Թրամփ, դուք փայլում եք՝ ինչպես ապագա այրի»,- ասել է նա։

Դրանից հետո՝ ապրիլի 25-ին, տղամարդը կրակ էր բացել Վաշինգտոնի «Հիլթոն» հյուրանոցում միջոցառման ժամանակ, որին մասնակցում էր նաև ԱՄՆ նախագահը։

Truth Social հարթակում Դոնալդ Թրամփը հայտարարել է, որ Disney-ը և ABC-ն պետք է անհապաղ «աշխատանքից ազատեն կատակերգուին», և որ «սա առաջին անգամ չէ»։

Քիմմելի շոուն ժամանակավորապես հանվել էր ABC-ի եթերից անցյալ տարի՝ Չարլի Քըրքի սպանությունից և Թրամփի կողմից թոք-շոուի հաղորդավարին ազատելու վերաբերյալ հնչած կոչերից հետո։

ԱՄՆ առաջին տիկինը, իր հերթին, X-ում գրել է, որ «Քիմմելի նման մարդիկ չպետք է կարողանան ամեն գիշեր մտնել մեր տներ՝ ատելություն սերմանելու համար»։

«Նրա մենախոսությունն իմ ընտանիքի մասին կատակերգություն չէ. նրա խոսքերը քայքայիչ են և սրում են Ամերիկայի քաղաքական վիճակը։ Դեռ քանի՞ անգամ ABC-ի ղեկավարները կարդարացնեն Քիմմելի հրեշավոր վարքագիծը՝ ի վնաս մեր հասարակության»,- գրել է առաջին տիկինը։

Քիմմելն իր կատակն անվանել է «շատ նուրբ»՝ բացատրելով, որ «դա, իհարկե, կատակ էր նրանց տարիքային տարբերության և այն ուրախության արտահայտության մասին, որը տեսնում ենք նրա դեմքին ամեն անգամ, երբ նրանք միասին են»։

«Դա շատ նուրբ քննադատություն էր նրա գրեթե 80 տարեկան լինելու և Մելանյայի՝ ինձանից փոքր լինելու մասին։ Դա ոչ մի կերպ սպանության կոչ չէր։ Եվ նրանք դա գիտեն։ Ես տարիներ շարունակ բարձրաձայնել եմ, ի թիվս այլ բաների, զենքի բռնության մասին։ Բայց ես հասկանում եմ, որ առաջին տիկինը դժվար հանգստյան օրեր է ունեցել և, հավանաբար, այդ տանը յուրաքանչյուր հանգստյան օրեր բավականին նյարդային են։ Ես նաև համաձայն եմ, որ ատելության խոսքը և բռնության կոչերը մենք պետք է մերժենք։ Ես այդպես եմ կարծում, և կարծում եմ, որ մեղմացնելու լավ մեկնարկային կետը ձեր ամուսնու հետ այդ մասին խոսելն է։ Դոնալդ Թրամփը կարող է ասել այն, ինչ ուզում է, ինչպես դուք կարող եք, ինչպես ես կարող եմ։ Որովհետև Առաջին փոփոխության համաձայն՝ մենք՝ ամերիկացիներս, ունենք խոսքի ազատության իրավունք»,- ասել է Քիմմելը։

Դրանից հետո, սակայն, ԱՄՆ առաջին տիկինը մեղադրվում է երեսպաշտության մեջ. շատերը նշում են, որ հենց իր ամուսնու ագրեսիվ հռետորաբանությունն է «քայքայում երկիրը», և որ նա պատասխանատու է «Ամերիկայի քաղաքական անկայունության» համար։

«Ի դեպ, սա ձեր ամուսինն է»,- գրել է օգտատերերից մեկը՝ կցելով Թրամփի սքրինշոթը, որտեղ նա ուրախանում է ՀԴԲ նախկին տնօրեն Ռոբերտ Մյուլլերի մահվան համար։

«Ճանաչո՞ւմ եք այս տղային»,- հարցրել է մեկ ուրիշը՝ հրապարակելով Դոնալդ Թրամփի սքրինշոթը, որտեղ նա վերահրապարակում է դեմոկրատներին կախաղան հանելու կոչ անող տեսանյութը։

Թարգմանությունը՝ Էմմա Չոբանյանի