02.04.2026 | 23:17
Պարսից ծոցի երկրները քննարկում են խողովակաշարերի կառուցման հարցը՝ Հորմուզի նեղուցով նավթ չմատակարարելու համար. FT
Մոսկվայի «Շերեմետևո»-ում պատահարի հետևանքով ՀՀ քաղաքացի է մահացել
Հասարակություն
21.11.2018 | 12:28
Մոսկվայի «Շերեմետևո» օդանավակայանում նախօրեին տեղի ունեցած պատահարի հետևանքով մահացած տղամարդը Հայաստանի քաղաքացի է: «Ինտերֆաքս»-ի փոխանցմամբ՝ օդանավակայանի թռիչքուղում հայտնաբերել են 1993 թվականին ծնված ՀՀ քաղաքացի Ալբերտ Եփրեմյանի մարմինը:
Եփրեմյանը Մոսկվա է ժամանել Մադրիդից, որտեղից նրան արտաքսել են: Ռուսական աղբյուրների տեղեկացմամբ՝ տղամարդուն օդանավից իջեցրել են ոստիկանները. նա կռիվ է սարքել ինքնաթիռում: «Շերեմետևո»-ում իրավապահները քննություն են անցկացրել, այնուհետև Եփրեմյանին ուղակցել դեպի ելք:
Ալբերտ Եփրեմյանը պետք է Մոսկվայից Երևան ժամաներ, սակայն, օդանավին մոտենալու փոխարեն, նա վազել է դեպի թռիչքուղի, որտեղ էլ նրան հարվածել է Մոսկվա-Աթենք չվերթի Բոինգ-737 օդանավը:
Պատահարի փաստով քննություն է կատարվում:
