23.05.2026 | 20:32
Մենք ամենափորձառու ուժն ենք, իշխանությունը մեր դեմ դնելու բան չունի. Էդմոն Մարուքյան. ՏԵՍԱՆՅՈՒԹ
Թուրքիայում ամենաշատ ականապատ տարածքները Հայաստանի հետ սահմանին են
Քաղաքականություն
20.11.2018 | 22:07
Թուրքիան ընդգրկվել է այն երկրների շարքում, որտեղ առկա են ամենից շատ ականապատված տարածքներ. փոխանցում է ermenihaber-ը:
«Ականների և կասետային ռումբերի մշտադիտարկման միջազգային կենտրոնի» կազմած 2018թ. զեկույցի համաձայն՝ ականապատված տարածքների քանակով Թուրքիան 3-րդ տեղն է զբաղեցնում աշխարհում։ 2-րդ տեղում Ֆինլանդիան է, իսկ առաջին հորիզոնականում՝ Բանգլադեշը։ Առաջին տասնյակում են գտնվում նաև Աֆղանստանը, Անգոլան, Իրաքը, Յեմենը։
Ընդ որում նշվել է, որ Թուրքիայում այնքան ականապատված տարածքներ կան, որ դրանք հնարավոր չի լինի ականազերծել մինչև 2022 թվականը։ Ներկայում Թուրքիայում կա 3061 ականապատ տարածք։ Կա ևս 701 տարածք, որոնց վերաբերյալ կասկածներ կան։
Ըստ զեկույցի՝ Թուրքիայում ամենաշատ ականապատված տարածքները գտնվում են Հայաստանի, Ադրբեջանի, Իրաքի և Իրանի հետ սահմանային շրջաններում։
