05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
42 հազար դոլարի դիմաց կազմակերպել էին ապօրինի միգրացիա․ քրեական վարույթի նախաքննությունն ավարտվել է
Հասարակություն
23.04.2026 | 20:48
ՔԿ-ն հայտնում է, որ 42 հազար ԱՄՆ դոլարի դիմաց երեք ՀՀ քաղաքացի կեղծ փաստաթղթերի և տեղեկությունների օգտագործմամբ կազմակերպել են երկու անձի ապօրինի միգրացիան Հայաստանից դեպի ԱՄՆ՝ մի շարք երկրների միջոցով։ Նախաքննությունն ավարտվել է, և քրեական վարույթը մեղադրական եզրակացությամբ ուղարկվել է հսկող դատախազին։
ՀՀ քննչական կոմիտեն հայտնել է, որ համատեղ քննչական և օպերատիվ-հետախուզական միջոցառումների արդյունքում բացահայտվել է ապօրինի միգրացիայի կազմակերպման դեպք։ Ըստ ՔԿ-ի՝ ՀՀ քաղաքացիներ Ա.Ա.-ն, Կ.Ե.-ն և Հ.Թ.-ն, գործելով նախնական համաձայնությամբ, 42 հազար ԱՄՆ դոլարի դիմաց կեղծ փաստաթղթերի միջոցով կազմակերպել են Ս.Յ.-ի և Ա.Յ.-ի ելքը Հայաստանից և մուտքը օտարերկրյա պետություններ։
Նրանց կազմակերպմամբ վերջիններս մեկնել են Իտալիա, ապա Բրազիլիա, Պանամա, Նիկարագուա, Հոնդուրաս, Գվատեմալա և Մեքսիկա՝ ԱՄՆ հասնելու նպատակով։ ՔԿ-ի տվյալներով՝ նրանք միայն չորրորդ փորձից են կարողացել մուտք գործել ԱՄՆ, որտեղ ամիսներ շարունակ գտնվել են տարբեր քրեակատարողական հիմնարկներում, ապա վերադարձել Հայաստան։
Երեք մեղադրյալների նկատմամբ հարուցվել է հանրային քրեական հետապնդում՝ անօրինական միգրացիայի կազմակերպման հոդվածով, և որպես խափանման միջոց կիրառվել է կալանքը։ Քրեական վարույթը մեղադրական եզրակացությամբ ուղարկվել է հսկող դատախազին։
