27.07.2026 | 13:18
Պուտինը պատրաստվում է մոբիլիզացիայի, նա պատրաստ չէ դադարեցնել այս պատերազմը. Զելենսկի
Աննա Հակոբյանին 15 դրվագով վարչական պատասխանատվության ենթարկել ․«Անկախ դիտորդ» դաշինքը դիմում է դատարան
Հասարակություն
23.04.2026 | 14:32
«Անկախ դիտորդ» դաշինքի ներկայացուցիչ Դանիել Իոաննիսյանը 3 կարևոր նորություն է առանձնացրել դաշինքից՝ նշելով, որ վարչական և իրավական ընթացակարգեր է նախաձեռնում թե՛ «Իմ քայլը» հիմնադրամի գործունեության, թե՛ ապրիլի 19-ի և 23-ի համերգների, ինչպես նաև ապրիլի 23-ի՝ ՀՅԴ-ի ջահերով երթի ֆինանսավորման վերաբերյալ՝ պնդելով, որ դրանք առնչվում են կուսակցական գործունեությանը և պետք է համապատասխանեն կուսակցությունների մասին օրենսդրության պահանջներին։
Իոաննիսյանի գրառումը՝ ստորև․
«1. Դաշինքը ենթադրյալ խախտումներ է հայտնաբերել «Իմ քայլը» հիմնադրամի վերջին ամիսների գործունեության մեջ և դիմում է Վարչական դատարան` պահանջելով 15 դրվագով վարչական պատասխանատվության ենթարկել հիմնադրամի գործադիր մարմնի ղեկավար Աննա Հակոբյանին:
2. Դաշինքը, որպես ՔՊ-ի քարոզչական միջոցառում է դիտարկում ապրիլի 19-ին Գյումրիի և 23-ին Երևանի համերգները. դրանց ծախսը պետք է կատարվեր Կուսակցությունների մասին օրենքին համապատասխան։ Այնինչ, այդ համերգների ֆինանսավորումը չի տեղավորվում այդ օրենքի սահմանափակումների մեջ։ Մենք դիմում ենք ներկայացնում Կոռուպցիայի կանխարգելման հանձնաժողով` նշվածին իրավական գնահատական տալու պահանջով։
3. Դաշինքը համարում է, որ ապրիլի 23-ի ջահերով երթը ևս հանդիսանում է ՀՅԴ-ի («Հայաստան» դաշինքի) կուսակցության միջոցառում, և դրա ֆինանսավորումը ևս պետք է համապատասխանի կուսակցությունների օրենսդրության կարգավորումներին։ Այս մասով ևս փաստերն ենք ուսումնասիրում, որ, միգուցե, դիմենք ԿԿՀ»։
