01.11.2024 | 23:19
Հրդեհ Գյումրու տներից մեկում
Համոզվածություն չկա, որ արտագնա աշխատողների հարկման խնդիրն օրակարգում չէ. Վահագն Խաչատրյան. ՏԵՍԱՆՅՈՒԹ
Տնտեսություն
20.11.2018 | 13:00
Բացատրություններն ինձ համար ամբողջական չէին: Այսօր՝ նոյեմբերի 20-ին լրագրողների հետ հանդիպմանն այս մասին հայտարարեց տնտեսագետ Վահագն Խաչատրյանը՝ անդրադառնալով արտագնա աշխատողների հնարավոր հարկման մասին նախաձեռնությանը:
«Ցավոք, տարբեր պետական պաշտոնյաներ տարբեր մեկնաբանություններ էին տալիս, և էլի մինչև վերջ համոզվածություն չկա, որ արտագնա աշխատողների հարկման հետ կապված խնդիրն օրակարգում չէ»,- հավելեց նա: Ինչ վերաբերում է համատարած հայտարարագրմանը. տնտեսագետի խոսքով՝ բոլորս էլ հասկանում ենք, որ ցանկանում ենք ապրել քաղաքակիրթ երկրում, որտեղ յուրաքանչյուր քաղաքացի ունի պարտավորություններ, և եթե աշխատում է, պետք է հարկեր վճարի:
«Եթե քաղաքացիներին էլ հարցնեք, ոչ ոք չի ասի, որ եթե աշխատում ենք, եկամուտ ունենք, պետք չի հարկվի: Բայց հարց է, թե երբ ու ինչ ճանապարհով պետք է դա արվի»,- նշեց Վահագն Խաչատրյանը:
Մանրամասները՝ տեսանյութում։
