03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Քննարկելու ենք Հայաստանի համար նոր առաքելության հարցը. Կայա Կալլաս
Քաղաքականություն
21.04.2026 | 12:56
Ադրբեջանի և Հայաստանի միջև հարաբերությունների կարգավորման գործընթացը չափազանց կարևոր է Եվրամիության համար։ Այս մասին լրագրողների հետ ճեպազրույցում ասել է ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Կայա Կալլասը ԵՄ ԱԳ նախարարների հանդիպումից առաջ։
«Մենք քննարկեու ենք Հարավային Կովկասը։ Մեզ համար Հայաստանն ու Ադրբեջանը, նրանց հարաբերությունների կարգավորումը չափազանց կարևոր են։ Մենք պատրաստվում ենք քննարկել Հայաստանի համար նոր առաքելության հարցը»,-ասել է Կալլասը։
Նա նշել է, որ քննարկելու են՝ ինչպես կարող են աշխատել Ադրբեջանի հետ հետագայում, նաև Վրաստանի հարցը, շեշտելով, որ աջակցում են Վրաստանի ժողովրդին, սակայն կառավարությունը շարժվում է սխալ ուղղությամբ։
Եվրամիության երկրների դեսպանները Բրյուսելում ընդունել էին Հայաստան նոր քաղաքացիական առաքելություն գործուղելու որոշումը՝ ճանապարհ հարթելով վերջնական հաստատման համար։ Առաքելությունը պետք է ամրապնդի Հայաստանի դիմակայունությունը հիբրիդային սպառնալիքներից՝ ռազմավարական, գործնական խորհրդատվություն ու աջակցություն տրամադրելով նախարարություններին ու անվտանգային ոլորտի գործակալություններին։
Թարգմանությունը՝ Էմմա Չոբանյանի
