13.08.2026 | 21:15
«Ավելի լավ է չիմանամ՝ տունս ինչ վիճակում է»․ արցախցիները Բաքվից փոխհատուցում են պահանջում. ՏԵՍԱՆՅՈՒԹ
Վաչագան Ղազարյանի նկատմամբ դեռ քննչական գործողություններ չեն կատարվել
Հասարակություն
20.11.2018 | 16:47
Օրերս Վճռաբեկ դատարանը բավարարեց գլխավոր դատախազի տեղակալի բողոքը և ուժի մեջ թողեց Սերժ Սարգսյանի թիմակից Վաչագան Ղազարյանին կալանավորելու որոշումը։
Factor.am-ի տեղեկություններով՝ կալանավորումից հինգ օր անց Վաչագան Ղազարյանի նկատմամբ դեռ որևէ քննչական գործողություն չի կատարվել, ընդամենը Ղազարյանը ստորագրել է իր կալանքի վերաբերյալ արձանագրությունը։
Հիշեցնենք, որ Վաչագան Ղազարյանի նկատմամբ դեռ ամռանն էր մեղադրանք առաջադրվել Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերում իր ունեցած դրամական միջոցների իրական չափի մասին հայտարարագրման ենթակա տվյալները թաքցնելու և ապօրինի հարստանալու համար:
Այդ ժամանակ Վաչագան Ղազարյանը կալանավորվեց երկու ամսով, սակայն ավելի ուշ ազատ արձակվեց 1 միլիարդ դրամ գրավի դիմաց։
