16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
Քաղաքական իրավիճակը քրեական գործերի վրա մեծ ազդեցություն է ունենում. Նիկոլ Փաշինյան
Հասարակություն
20.11.2018 | 14:43
Վարչապետի պաշտոնակատար Նիկոլ Փաշինյանն այն համոզմանն է, որ քաղաքական իրավիճակը քրեական գործերի վրա մեծ ազդեցություն է ունենում: Այս մասին այսօր հրավիրված մամուլի ասուլիսի ժամանակ ասաց նա՝ անդրադառնալով գրավների կիրառմանն ու դրա վերաբերյալ հնչող քննադատություններին:
«Գրավի կիրառման հետ կապված հարցը քաղաքական հարց է, քանի որ դա կարգավորվում է այն օրենսգրքով, որն ընդունում է Ազգային ժողովը, իսկ Ազգային ժողովը քաղաքական մարմին է, հետևաբար այդ հարցը չի կարող քաղաքական քննարկման առարկա չդառնալ»,- ասաց Փաշինյանը:
Վարչապետի պաշտոնակատար Նիկոլ Փաշինյանն անդրադարձավ նաև մամուլում հնչող այն քննադատություններին, որ մի կողմից մարդկանց բռնում են, մյուս կողմից՝ բաց թողնում:
«Երկրի վարչապետը կամ նախարարը ընդհանրապես չարտահայտվի այս կամ այն քրեական հարցի, գրավի հետ կապված՝ պարզապես չի կարող: Այդպես միշտ եղել է և միշտ կլինի: Օրինակ ՝ դատավորների անկախության հարցը քաղաքական խնդիր է, որը պետք է լուծվի և հնարավոր չէ դրա վերաբերյալ չարտահայտվել»,- ասաց Փաշինյանը:
