26.11.2024 | 16:24
Արթուր Պողոսյանը՝ Փաշինյանի հետ հանդիպելու և ՔԿ նախագահ նշանակվելու հավանականության մասին
Առաջիկայում շաքարի և կենցաղային տեխնիկայի գործարաններ կհիմնվեն. Նիկոլ Փաշինյան. ՏԵՍԱՆՅՈՒԹ
Տնտեսություն
20.11.2018 | 13:07
Վարչապետի պաշտոնակատար Նիկոլ Փաշինյանն այսօրվա ասուլիսում մեկնաբանել է տնտեսական ակտիվության ցուցանիշի անկման փաստը։ Ազգային վիճակագրական ծառայության տվյալներով՝ 2018 թվականի հոկտեմբեր ամսին նախորդ տարվա նույն ամսվա համեմատ տնտեսական ակտիվության ցուցանիշը կազմել է 3 տոկոս: 2018թ. հունվար – օգոստոս ամիսներին, 2017թ. համադրելի ժամանակահատվածի համեմատ, Հայաստանում տնտեսական ակտիվության ցուցանիշն աճել էր 7.7%-ով:
«Ինչո՞ւ չկարողացանք պահպանել աճի տեմպը։ Տնտեսական ակտիվության ցուցանիշը կազմված էր բուքմեյքերական գրասենյակներում արված ստավկաներից, որը մեր ժողովրդի մի շատ զգալի մասին տոկոսի տակ է դրել։ Հաջորդը Ամուլսարի ներդրումն էր, այսինքն՝ մեկ կազմակերպության գործունեությամբ մենք տնտեսական աճ ենք նկարում, հաջորդը Թեղուտի հանքն էր, որը փակվել է։ Իմ գնահատմամբ՝ այսօր տնտեսությունում տեղի է ունենում առողջացման գործընթաց։ Մենք խաղադրույքային տնտեսությունից անցում ենք կատարում արդյունաբերական տնտեսություն։ Մենք չենք թողնելու, որ նկարվող թվերով տնտեսություն ունենանք»,- ասաց վարչապետի պաշտոնակատար Նիկոլ Փաշինյանը։
Նրա ձևակերպմամբ՝ կառավարությունը պայքարելու է բուքմեյքերական համաճարակի դեմ։ Պարոն Փաշինյանն այդ ոլորտը համարում է երկրի բովանդակության վրա ազդող գործընթաց․ «Իմ քայլարշավի ընթացքում գյուղերով որ անցնում էի, հիմնական խնդիրն այն էր, որ մարդիկ ասում էին գազալցակայաններում տեղադրված խաղային ավտոմատները հանեք։ Մարդիկ միլիոնավոր դրամների տակ են մնում»։
Նիկոլ Փաշինյանը տեղեկացրեց, որ առաջիկայում շաքարի ու կենցաղային տեխնիկայի գործարաններ կհիմնվեն։
Մանրամասները տեսանյութում:
