21.01.2026 | 22:02
Ալիևի որդին SOCAR-ում պաշտոն է ստացել
Տնտեսական ձեռքբերումը համարում եմ Հայաստանից մենաշնորհների վերացումն ու կոռուպցիայի դեմ պայքարը. Փաշինյան. ՏԵՍԱՆՅՈՒԹ
Տնտեսություն
20.11.2018 | 12:52
Տնտեսական ոլորտում առաջին հաջող քայլը Հայաստանից մենաշնորհների վերացումն է, ինչը տասնյակ տարիներ երկրի տնտեսության զարգացման խոչընդոտն է եղել: Այսօր՝ նոյեմբերի 20-ին, հրավիրած մամուլի ասուլիսում այս մասին հայտարարեց ՀՀ վարչապետի պաշտոնակատար Նիկոլ Փաշինյանը:
«Երկրորդը կոռուպցիայի դեմ պայքարն է, իսկ հաջորդ կարևոր հաջողությունը՝ ստվերի դեմ պայքարը»,- նշեց նա:
Նիկոլ Փաշինյանն անդրադարձավ նաև իր գլխավորած կառավարության վարած տնտեսական քաղաքականության ամենամեծ ձախողմանը՝ դա համարելով հանքարդյունաբերության ոլորտում վերջին զարգացումները, որոնք բացասական ֆոն են ստեղծում ներդրումների համար:
Վարչապետը նշեց, որ քրեական գործ է հարուցվել Ամուլսարի հանքի հետ կապված, և եթե պարզվի, որ Սևանի ջրերի համար այդ ծրագիրը վտանգ է ներկայացնում, այն չի գործի: «Մենք, սակայն, կրում ենք նաև նախորդ կառավարության ստանձնած պարտավորությունները: Բավական մեծ ներդրումներ են արվել, և եթե պարզվի, որ Ամուլսարի ծրագիրը Սևանի և հարակից ջրերի համար վտանգ չի ներկայացնում, այդ ծրագիրը կշարունակվի»,- ասաց Նիկոլ Փաշինյանը:
Մանրամասները՝ տեսանյութում:
