04.09.2026 | 22:08
Պաշտոնանկություններ՝ վարչապետի որոշմամբ
Առաջիկայում չի բացառվում իշխանությունների վրա լինեն ճնշումներ․ Արտակ Զաքարյան․ ՏԵՍԱՆՅՈՒԹ
Քաղաքականություն
19.11.2018 | 17:48
Սահուն իշխանափոխությունից հետո տեղի ունեցող զարգացումները բորբոքեցին մի շարք խնդիրներ, որոնք ցանկացած քաղաքական գործչի մոտ կառաջացնեին հետևյալ հարցադրումը․ իսկ ճի՞շտ է ընտրություններին չմասնակցել, զերծ մնալ շատ խնդիրներից և ասել՝ թող գնան և ինչ ուզում են անեն։
Այս մասին այսօր հրավիրված մամուլի ասուլիսի ժամանակ ասաց ՀՀԿ անդամ Արտակ Զաքարյանը՝ նշելով, որ ՀՀԿ-ն չէր կարող անտարբեր անցնել իշխանափոխությունից հետո երկրի առաջ ծառացած խնդիրների կողքով և դրանց վերաբերյալ ունի հստակ ասելիք և անելիք։
Խոսելով իրենց համար մտահոգիչ համարվող խնդիրների մասին՝ Զաքարյանն առանձնացեց Արցախի հիմնախնդիրը։
«Արցախյան խաղաղ կարգավորման գործընթացն ունի որոշակի տրամաբանություն, և այդ հարցի վերաբերյալ միջազգային հանրության չհավասարակշռված կարծիքը համարում ենք վտանգավոր գործընթաց։ Տեսեք՝ Իրանը, որը 25 տարի պահպանել է հավասարակշռված դիրքորոշում, հիմա այդ հարցում հավասարակշռվածության խախտում է ցուցաբերում։ Չի բացառվում, որ առաջիկայում իշխանությունների վրա կլինեն ճնշումներ, ուստի մենք պետք է լինենք խորհրդարանում, որ կարողանանք Արցախի հարցում ապահովել համընդհանուր կոնսոլիդացիա ամբողջ հանրության կողմից»,- ասաց Արտակ Զաքարյանը։
Մանրամասները՝ տեսանյութում։
