16.01.2025 | 09:30
Վայոց ձորի, Արագածոտնի մարզերում և Անիի տարածաշրջանում ձյուն է տեղում
ՊԵԿ նախագահը՝ «խոպանչիներին հարկելու» աղմկահարույց նախաձեռնության մասին. ՏԵՍԱՆՅՈՒԹ
Տնտեսություն
19.11.2018 | 15:58
Հայտարարագրում եկամուտները ներառելը չի նշանակում, այդ եկամուտը պետք է հարկվի: Այսօր՝ նոյեմբերի 19-ին, ՀՀ կառավարության արտահերթ նիստից հետո լրագրողների հետ զրույցում պարզաբանեց Պետեկամուտների կոմիտեի (ՊԵԿ) նախագահ Դավիթ Անանյանը՝ մեկնաբանելով, այսպես ասած, «խոպանչիներին հարկելու» աղմկահարույց նախաձեռնությունը:
«Հարց է հնչել, որ արդյոք դրսից եկած տրանսֆերտները ևս պետք է հարկվե՞ն, մենք ասել ենք, որ հանրային քննարկումների արդյունքում նման որոշում չունենք կայացված: Բայց եթե այդպիսի քննարկումների արդյունքում որոշվի, որ դա եկամուտ է, ապա հայտարարագրում ներառելը չի նշանակում, որ այդ եկամուտը պետք է հարկվի»,- հավելեց նա:
Դավիթ Անանյանն ընդգծեց, որ եթե Ռուսաստանում կամ այլ երկրում եկամուտն արդեն հարկվել է, միևնույն եկամուտը միևնույն հարկատեսակով հարկելու որևէ նպատակ չեն հետապնդում: «Այսօրվա քննարկումները, որ սոցիալական ցանցերում տարածում են գտել, հիմնավոր չեն: Ուղղակի, կարող է, այս կամ այն նախադասությունը սխալ ընկալված լինի: Ամենակարևորը հետևյալն է. առանց հանրային քննարկման որևէ նախաձեռնություն օրենքի ուժ չի կարող ստանալ»,- հայտարարեց ՊԵԿ նախագահը:
Նրա խոսքով՝ այս նախընտրական շրջանում ինչ-որ միտք կոնտեքստից դուրս բերված կարող է մեկնաբանվել և շահարկումների առիթ դառնալ. «Բայց ամենակարևորը սա է, որ կառավարությունում որևէ կոնկրետ նախագիծ դեռևս չկա։ Կա եկամուտների համատարած հայտարարագրման գաղափար, այդ գաղափարի շուրջ կան տեսակետներ, որոնք պետք է նախ քննարկվեն մասնագիտական շրջանակներում, հետո՝ կառավարությունում, հետո, նախնական նախագծի տեսք ունենալուց հետո, պետք է դրվի հանրային քննարկման, և դա լինելու է ամբողջ 2019 թվականի ընթացքում»:
Մանրամասները՝ տեսանյութում:
