03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Մենք այս ընտրություններում էլ կունենանք բիզնես, որը սերտաճել է իշխանությանը․ փորձագետ. ՏԵՍԱՆՅՈՒԹ
Քաղաքականություն
19.11.2018 | 14:26
Արտահերթ խորհրդարանական ընտրությունները թեև մի քիչ ուշացած, սակայն անհրաժեշտություն են, իսկ քաղաքական ուժերի այն արդարացումները, թե չեն հասցրել պատրաստվել այս ընտրություններին, ռեալ չեն, քանի որ բոլոր քաղաքական ուժերն էլ մայիս ամսից գիտեին, որ անցկացվելու են արտահերթ խորհրդարանական ընտրություններ։
Այս մասին այսօր հրավիրված մամուլի ասուլիսի ժամանակ, անդրադառնալով դեկտեմբերի 9-ին կայանալիք ընտրություններին, ասաց փորձագետ Վիգեն Խաչատրյանը՝ նշելով, սակայն, որ երբ ուսումնասիրել է մասնակից քաղաքական ուժերի ընտրացուցակները, հիասթափություն է ապրել։
«Հաշվի են առել, հավանաբար, թեկնածուները քարոզարշավի համար ի՞նչ օգտակար դեր կունենան: Գուցե այս կամ այն թեկնածուն ինձ համար այդ քաղաքական ուժը խայտառակում է, բայց, միգուցե, իրենց համար ձայն բերող թեկնածո՞ւ է»,- ասաց Խաչատրյանը։
Խոսելով ընտրությունների որակի մասին՝ փորձագետն ասաց, որ այս խորհրդարանական ընտրություններում թեև չեն լինի թաղի խուժանն ու փող բաժանողը, օլիգարխը, սակայն մենք ներկայացուցչական մարմին այս ընտրություններով չենք ունենա։
Վիգեն Խաչատրյանը խոսեց նաև քաղաքականություն-բիզնես սերտաճման, մասին, որն, իր համոզմամբ, այդպես էլ այս իշխանությունները չկարողացան արմատախիլ անել։
«Անընդունելի է, երբ բիզնեսը սերտաճում է իշխանությանը, մենք այս ընտրություններում էլ կունենանք բիզնես, որը սերտաճել է իշխանությանը։ Կարծես թե, այս ամենի դեմը նոր իշխանությունը չի ուզում առնել, փորձ չի անում, թեև պայքարի մասին հռչակել էր»,- ասաց փորձագետը։
Մանրամասները՝ տեսանյութում։
