16.11.2024 | 16:41
Հայաստանի ազգային հավաքականը մեկնել է Lատվիա
Շատ կուզեի, որ հաջորդ ընտրությունները 5 տարի հետո լինեին. Արմեն Ռուստամյան. ՏԵՍԱՆՅՈՒԹ
Քաղաքականություն
19.11.2018 | 11:58
Կասկած չկա, որ «Իմ քայլը» դաշինքը հնարավորություն է ունենալու մեծամասնություն կազմել խորհրդարանում և կառավարություն ձևավորել: Այսօր՝ նոյեմբերի 19-ին, ՀՀ Ազգային ժողովում տեղի ունեցած ճեպազրույցում նման կարծիք հայտնեց ՀՅԴ խմբակցության ղեկավար Արմեն Ռուստամյանը:
«Մենք չենք պատրաստվում մաս կազմել այդ կառավարությանը, եթե անգամ մեզ թախանձագին խնդրեն, ինչպես մինչև հիմա եղել է»,- հայտարարեց Ռուստամյանը:
Նրա կարծիքով՝ այս անգամ նախորդ Ազգային ժողովից էապես տարբերվող խորհրդարան կձևավորվի. «Բավականին նոր դեմքեր կլինեն, բայց այդ նոր դեմքերը հայտնի չէ, թե ինչ քայլերով մեր երկիրը կտանեն առաջ: Եվ այստեղ է, որ անորոշությունը շատ է: Անցումային շրջան է, և այդ անցումն ինչպես կտանեն նորերը, այստեղ լուրջ խնդիրներ կան: Փոփոխությունը փոփոխություն, բայց անցած ճանապարհը գնահատելը մի կարևոր խնդիր է առաջացնում, որ նույն սխալները հանկարծ չկրկնենք: Ես այս պրոցեսը շատ եմ նմանեցնում 90-ական թվականներին»:
Արմեն Ռուստամյանը, միաժամանակ, նշեց, որ շատ կուզեր՝ հաջորդ ընտրությունները 5 տարի հետո լինեին:
Մանրամասները՝ տեսանյութում
