26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Իսրայելում իրանական հրթիռային հարձակման հետևանքով 14 մարդ է վիրավորվել
Քաղաքականություն
01.04.2026 | 12:28
Իսրայելի արտակարգ իրավիճակների ծառայությունը հայտնել է, որ Իրանի կողմից վերջին հրթիռային հարձակման հետևանքով վիրավորվել է 14 մարդ, գրում է DW-ն։
Վիրավորների թվում 11-ամյա աղջիկ կա։ Նա բեկորային վնասվածքներ է ստացել, վիճակը գնահատվում է ծանր։
Զինվորականները հայտարարել են, որ 20 ժամվա ընթացքում առաջին անգամ «հայտնաբերել են Իրանից Իսրայելի տարածք արձակված հրթիռներ», իսկ կենտրոնական և հյուսիսային Իսրայելում հրթիռային տագնապի ազդանշաններ են հնչել։ Իսրայելական լրատվամիջոցները հայտնել են, որ հարձակման ժամանակ օգտագործվել են կասետային ռումբեր, որոնք պայթում են օդում և տարածվում լայն տարածքում։
Իրանն ու Իսրայելը նախկինում միմյանց մեղադրել են կասետային ռումբեր օգտագործելու մեջ։
Ավելի քան 100 պետություն 2008 թվականին ստորագրել է «Կասետային ռումբերի մասին» կոնվենցիան, որն արգելում է կասետային ռումբերի օգտագործումը, արտադրությունը, պահեստավորումը և փոխանցումը, սակայն ո՛չ Իրանը, ո՛չ Իսրայելն այս կոնցենցիայի կողմ չեն։
Եմենի հութիներն էլ չորեքշաբթի հայտարարել են Իսրայելի ուղղությամբ բալիստիկ հրթիռներով հարձակման մասին, որը, նրանց խոսքով, իրականացվել է իրենց աջակից Իրանի և Լիբանանի «Հըզբոլլահ» խմբավորման հետ համատեղ։ Սա հութիների կողմից Մերձավոր Արևելքի պատերազմի մեկնարկից ի վեր երրորդ հարձակումն է։
«Այս գործողությունն իրականացվել է Իրանի մեր մոջահեդ եղբայրների և Լիբանանի «Հըզբոլլահ»-ի հետ համատեղ»,- տեսաուղերձում ասել է հութիների ռազմական խոսնակ Յահյա Սարին։
Թարգմանությունը՝ Էմմա Չոբանյանի
