26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Չինաստանը երախտագիտություն է հայտնել Հորմուզի նեղուցով երեք նավերի անցման համար
Քաղաքականություն
31.03.2026 | 16:54
Պեկինը «երախտագիտություն» է հայտնել Հորմուզի նեղուցով երեք չինական նավերի անցման համար, որն Իրանը գրեթե փակել է Մերձավոր Արևելքում պատերազմի սկզբից, գրում է France 24-ը։
Հետևման տվյալների համաձայն՝ երկուշաբթի Պարսից ծոցից դուրս գալով՝ երկու նավեր անցել են նեղուցով, որը կարևոր ուղի է նավթի և գազի փոխադրման համար։ MarineTraffic-ի տվյալներով՝ CSCL CIndian Ocean նավը երկուշաբթի մոտավորապես ժամը 09:14-ին անցել է նեղուցը, իսկ CSCL Arctic Ocean-ը՝ 27 րոպե անց։
«Համապատասխան կողմերի հետ համակարգված աշխատանքից հետո վերջերս Հորմուզի նեղուցով անցան չինական երեք նավեր։ Մենք երախտագիտություն ենք հայտնում համապատասխան կողմերին՝ ցուցաբերված օգնության համար»,- ասել է երկրի ԱԳՆ մամուլի խոսնակ Մաո Նինգը։
Նա չի հիշատակել Իրանը կամ մանրամասներ չի հայտնել երրորդ նավի մասին։
Բացի այդ, Նինգը նշել է, որ Չինաստանի արտաքին գործերի նախարարը և նրա պակիստանցի գործընկերը կքննարկեն Իրանում ստեղծված իրավիճակը վերջինիս Չինաստան այցի ընթացքում։ Երկու երկրներն ունեն նմանատիպ դիրքորոշումներ միջազգային և տարածաշրջանային խոշոր հարցերի շուրջ, հայտարարել է խոսնակը։ Պեկինը և Իսլամաբադը նպատակ ունեն «ամրապնդել համագործակցությունն» Իրանի հարցում։
Պակիստանը փորձում է նպաստել դիվանագիտական բանակցություններին՝ Մերձավոր Արևելքում հակամարտությունը դադարեցնելու նպատակով։
Թարգմանությունը՝ Էմմա Չոբանյանի
