05.06.2026 | 22:40
Ընտրություններից առաջ Հայաստան ժամանած ՀՀ քաղաքացիների թիվը ավելի քիչ է, քան նախորդ տարի
ՖԻՖԱ-ի նախագահ․ Ցանկանում ենք Իրանի հավաքականին տեսնել ԱԱ-2026-ում, մենք չունենք այլ տարբերակ
31.03.2026 | 13:17
Ֆուտբոլի միջազգային ֆեդերացիայի (ՖԻՖԱ) նախագահ Ջանի Ինֆանտինոն հույս է հայտնել, որ Իրանի հավաքականը կմասնակցի ԱՄՆ-ում, Կանադայում ու Մեքսիկայում կայանալիք աշխարհի առաջնությանը։ Ավելի վաղ լուրեր էին շրջանառվում, որ Մերձավոր Արևելքում ստեղծված պատերազմական իրավիճակի պատճառով իրանցիները կարող է բաց թողնել ԱԱ-2026-ը։
«Մենք ապրում ենք նույն իրականությունում և հասկանում ենք, թե ինչ բարդ իրավիճակում է հայտնվել Իրանի հավաքականը, բայց մենք աշխատում ենք, որպեսզի նրանք իրենց հանդիպումներն անցկացնեն լավագույն պայմաններում։
Մենք ապրում ենք բարդ աշխարհաքաղաքական համատեքստում։ Մենք չունենք հնարավորություն ինքներս փոխելու իրավիճակը, բայց մենք ունենք հնարավորություն, որպեսզի աշխարհը միավորվի խաղաղության և տոնի մթնոլորտում։ Իրանի իրավիճակում մենք չունենք պահեստային տարբերակներ։ Կա միայն մեկ տարբերակ, որ նրանք խաղան»,- Ինֆանտինոյի խոսքը մեջբերում է El Financiero-ն։
Հիշեցնենք, որ հունիսի 11-ից հուլիսի 19-ին կայանալիք 2026թ. աշխարհի առաջնությունում Իրանի հավաքականն ընդգրկված է G խմբում, որտեղ մրցակիցներն են Բելգիան, Եգիպտոսը և Նոր Զելանդիան։ Իրանցիների բոլոր խաղերը նախատեսված են ԱՄՆ-ում։
