03.08.2026 | 20:15
Ռուբինյանն ընտրվեց․ փոխադարձ մեղադրանքներ և «զրոյական կետ»-ից սկսելու առաջարկ. ՏԵՍԱՆՅՈՒԹ
Թայգեր Վուդսն ազատ է արձակվել գրավի դիմաց․ լեգենդար գոլֆիստին մեղադրանքներ են առաջադրվել
30.03.2026 | 17:35
Ամերիկացի լեգենդար գոլֆիստ Թայգեր Վուդսը գրավի դիմաց ազատ է արձակվել իրեն առաջադրված մեղադրանքներից հետո, որոնք վերաբերում են թեստավորումից հրաժարվելուն և գույքի վնասմանը, հայտնում է Al Jazeera-ն։
Մարտի 27-ին 50-ամյա մարզիկն ավտովթարի էր ենթարկվել ԱՄՆ-ի Ֆլորիդա նահանգի Յուպիտեր Այլենդ շրջանում գտնվող իր տան մոտակայքում։ Վուդսն իր Land Rover մեքենայով փորձել էր շրջանցել բեռնատարին, սակայն կորցրել էր կառավարումը և կողաշրջվել։
Վթարի վայրում Վուդսն անցել էր ալկոհոլի թեստ, սակայն օգտագործման հետքեր չէին հայտնաբերվել։ Այնուհետև նրան տեղափոխել էին ոստիկանական բաժին, որտեղ առաջարկել էին անցնել թմրանյութերի թեստ՝ մեզի հանձմամբ։ Վուդսը հրաժարվել էր, ինչից հետո նրան մեղադրանքներ են առաջադրվել թեստավորումից հրաժարվելու և գույքի վնասման համար, իսկ 8 ժամ անց նա ազատ է արձակվել գրավի դիմաց։
2017 թվականին Վուդսը ձերբակալվել էր նույն Յուպիտեր Այլենդում՝ ոչ սթափ վիճակում մեքենա վարելու կասկածանքով, իսկ ավելի ուշ ընդունել էր իր մեղքը անզգույշ վարելու համար։
Թայգեր Վուդսը «Մեծ սաղավարտի» մրցաշարերի 15-ակի չեմպիոն է։
