24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Միրչա Լուչեսկուն պատմել է, թե ինչու է ուշագնաց եղել մարզման ժամանակ
30.03.2026 | 17:00
Ֆուտբոլի Ռումինիայի հավաքականի գլխավոր մարզիչ Միրչա Լուչեսկուն պատմել է իր առողջական վիճակի մասին ու հայտնել, թե ինչի պատճառով է ուշագնաց եղել մարզման ժամանակ։ Ավելի վաղ 80-ամյա մասնագետն ունեցել էր սրտի կանգ ու հոսպիտալացվել։
«Հիմա լավ եմ զգում ինձ։ Ամբողջությամբ վերականգնվել եմ, բայց դեռ պետք է անցնեմ մի շարք հետազոտություններ, այդ պատճառով մնում եմ հիվանդանոցում։
Ես շատ էի զայրացել, երբ սկսեցի վերլուծել Թուրքիայի դեմ խաղը, չնայած արդեն երեք օր էր անցել։ Ես նյարդային էի, սրտխառնոց էի զգում։ Զգում էի, որ այլևս չեմ կարողանում նորմալ շնչել։
Մենք անթույլատրելի սխալներ թույլ տվեցինք այդ խաղում, այդ պատճառով շատ զայրացած էի»,- մարզիչի խոսքը մեջբերում է Golazo-ն։
Հիշեցնենք, որ մարտի 26-ին Ռումինիայի հավաքականն աշխարհի առաջնության անցումային փլեյ-օֆֆի կիսաեզրափակիչում 0։1 հաշվով պարտվել էր թուրքերին ու դուրս մնացել հետագա պայքարից։
Միրչա Լուչեսկուն եղել է իտալական «Ինտերի» կիսապաշտպան Հենրիխ Մխիթարյանի մարզիչը։ Հայաստանի ազգային հավաքականի նախկին ավագը ռումինացի մարզիչի գլխավորությամբ 2010-2013թթ․ խաղացել է Դոնեցկի «Շախտյորում»։
