24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Կարեն Վարդանյան. Ես ինձ բելառուս եմ համարում․ ՏԵՍԱՆՅՈՒԹ
28.03.2026 | 17:04
Ֆուտբոլի Բելառուսի հավաքականի հարձակվող Կարեն Վարդանյանը Երևանում կայացած նախախաղային ասուլիսին խոսել է Հայաստանի ազգային հավաքականի դեմ ընկերական հանդիպման մասին։
«Առաջին անգամ եմ Հայաստանում։ Ամեն ինչ դուր է եկել, Երևանը լավ քաղաք է։ Հասկանում եմ, որ երկրպագուների համար իմ` հավաքականի ընտրությունը կարող է հակասական թվալ, բայց ես ծնվել եմ Բելառուսում, մտածելակերպս բելառուսական է, ավանդույթներս՝ նույնպես։
Ես հարգում եմ նաև հայկական ավանդույթները և իմ արմատները, բայց ես ինձ բելառուս եմ համարում։
Բելառուսի հավաքականում առաջին խաղից առաջ կար լարվածություն, բայց ուրախ եմ, որ նորամուտս տեղի ունեցավ»,- ասել է Մինսկի «Դինամոյի» 22-ամյա ֆուտբոլիստը։
Հայաստան – Բելառուս հանդիպումը կկայանա մարտի մարտի 29-ին Վազգեն Սարգսյանի անվան «Հանրապետական» մարզադաշտում և կմեկնարկի 18։00-ին։ Մարտի 26-ին բելառուսներն ընկերական խաղ էին անցկացրել նաև Կիպրոսի հավաքականի հետ՝ հաղթելով 1։0 հաշվով։ 22-ամյա Կարեն Վարդանյանն այդ խաղում նորամուտն էր նշել Բելառուսի հավաքականում, որն առաջին հանդիպումն էր անցկացրել Վիկտոր Գոնչարենկոյի գլխավորությամբ։
