13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Վորոնեժում 2 և 3 տարեկան հայ երեխաներ են մահացել. թունավորվել են գազի արտահոսքից
Հասարակություն
16.11.2018 | 18:41
ՌԴ Վորոնեժի մարզում երկու հայ երեխա է մահացել: 3-ամյա տղան և 2-ամյա աղջիկը մահացել են գազի արտահոսքից թունավորումից: Այս մասին գրում է ՌԻԱ Նովոստին՝ վկայակոչելով շրջանային դատախազության հաղորդագրությունը:
Երեխաների մարմինները գտել են Սեմիլուկսկի շրջանի Ստարայա Վեդուգա գյուղում, ֆերմայի բնակելի տարածքում:
«Նախնական եզրակացության համաձայն՝ երեխաները մահացել են գազից թունավորվելու հետևանքով: Ծնողները նրանց թողել են ֆերմայի բնակելի տարածքում, որտեղ ինքնաշեն մետաղական վառարան է եղել»,- ասված է հաղորդագրությունում:
Դատախազության տվյալներով՝ երեխաների ծնողները Հայաստանի քաղաքացի են, Ռուսաստան են ժամանել 2018 թվականի ապրիլին և գրանցվել միգրացիոն կենտրոնում:
Դեպքի առիթով քրեական գործ է հարուցվել, հանգամանքները պարզվում են:
