27.03.2026 | 18:49
Ավանեսյանը` վարչապետի թեկնածությանը հավակնելու մասին․ ՏԵՍԱՆՅՈՒԹ
ՖԻՖԱ-ն հաստատել է 5 նոր կանոնները ֆուտբոլում
27.03.2026 | 17:49
Ֆուտբոլի միջազգային ֆեդերացիան (ՖԻՖԱ) պաշտոնապես հայտարարել է նոր կանոններ ներդնելու մասին։ Փոփոխություններն առաջին անգամ կկիրառվեն ԱՄՆ-ում, Մեքսիկայում ու Կանադայում կայանալիք 2026թ․ աշխարհի առաջնությունում, հաղորդում է ՖԻՖԱ-ի մամուլի ծառայությունը։
Փոփոխություններն ուղղված են ժամանակ ձգելու դեմ և կընդլայնեն տեսաօգնականների լիազորությունները։ Կատարվել են հետևյալ 5 փոփոխությունները․
1․ Փոխարինվող խաղացողը պետք է լքի խաղադաշտը 10 վայրկյանի ընթացքում։ Եթե նա չհասցնի անել դա 10 վայրկյանում, իր փոխարեն խաղադաշտ մտնող խաղացողը կսպասի 1 րոպե, և թիմն այդ ընթացքում կխաղա մեկ ֆուտբոլիստ պակաս։
2․ Եզրային նետման և դարպասից հարվածի համար տրամադրվելու է 5 վայրկյան։ Եթե խախտում է տեղի ունենում, գնդակն անցնում է մրցակցին։
3․ Դաշտում բուժօգնություն ստացող ֆուտբոլիստը պետք է լքի խաղադաշտը և սպասի 1 րոպե նախքան վերադառնալը, եթե խախտման համար չի ցուցադրվել դեղին կամ կարմիր քարտ։
4․ Մրցավարների տեսաօգնականները (VAR) այժմ կարող են վերանայել երկրորդ դեղին քարտերի (որոնք հանգեցնում են հեռացման) և վիճահարույց անկյունայինների հետ կապված դրվագները։
5․ Միայն թիմի ավագն ունի իրավունք պարզաբանում խնդրելու մրցավարից։ Մրցավարին շրջապատած մյուս խաղացողները կստանան դեղին քարտ։
