15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Պրահայում Ռուսական տունը Մոլոտովի կոկտեյլներով հարձակման է ենթարկվել
27.03.2026 | 16:56
Պրահայում գտնվող Ռուսական տան շենքը հարձակման է ենթարկվել, կառույցի վրա Մոլոտովի կոկտեյլներ են նետել։ ՏԱՍՍ-ին այս մասին հայտնել է կենտրոնի տնօրեն Իգոր Գիրենկոն, գրում է Meduza-ն։
Չեխիայի ոստիկանությունը հայտարարել է, որ հետաքննում է մարտի 26-ի երեկոյան Ռուսական տան վրա մի քանի Մոլոտովի կոկտեյլներ նետելու դեպքը։ Հանցագործը որոնվում է գույքին վնաս հասցնելու կասկածանքով։
Նշվում է, որ Պրահայի Ռուսական տան հիմնական նպատակը, որը, ըստ կայքի տեղեկատվության, բացվել է 1971 թվականին, «Չեխիայի քաղաքացիներին Ռուսաստանի պատմությանն ու մշակույթին, երկրում բնակվող ժողովուրդների ավանդույթներին և նրա ներուժին ծանոթացնելն է»։ Նմանատիպ Ռուսական տներ բացվել են աշխարհի շատ երկրներում, այդ թվում՝ Արևմտյան Եվրոպայում, և դրանք շարունակել են գործել նույնիսկ Ուկրաինայում պատերազմի սկսվելուց հետո։ Այդ կենտրոնները ղեկավարում է «Ռոսսոտրուդնիչեստվո»-ն։
Նշենք, որ Ադրբեջանի իշխանությունները փակել են Բաքվում գտնվող Ռուսական տունը: BakuTV-ն պնդել էր, որ ռուսական հատուկ ծառայությունները գործում են Բաքվում գտնվող Ռուսական տան քողի ներքո:
Թարգմանությունը՝ Էմմա Չոբանյանի
