15.05.2026 | 21:54
Քոչարյանի որդին սրում է իրավիճակը․ Փաշինյանի թիմակիցը հակադարձում է՝ «մեկին հինգ ենք պատասխանելու». ՏԵՍԱՆՅՈՒԹ
Պատմության մեջ առաջին անգամ ԱՄՆ գործող նախագահի` Դոնալդ Թրամփի ստորագրությունը կհայտնվի 100 դոլարանոց թղթադրամների վրա
Քաղաքականություն
27.03.2026 | 13:18
ԱՄՆ Ֆինանսների նախարարությունը հայտարարել է, որ նախագահ Դոնալդ Թրամփի ստորագրությունը շուտով կհայտնվի ամերիկյան ապագա թղթադրամների վրա՝ ֆինանսների նախարարի ստորագրության հետ մեկտեղ, գրում է Meduza-ն։
Պատմության մեջ առաջին անգամ է, որ գործող նախագահի ստորագրությունը կհայտնվի ամերիկյան արժույթի վրա։ Դրանից առաջ սովորաբար գանձապետի ստորագրությունն էր դրվում նոր թղթադրամների վրա։ Այս ստորագրությունը կհեռացվի նոր թղթադրամներից, և 165 տարվա ընթացքում առաջին դեպքը կլինի, երբ այն չի լինի։
Ըստ ֆինանսների նախարար Սքոթ Բեսենթի՝ նոր թղթադրամները կթողարկվեն Ամերիկայի 250-ամյակին ընդառաջ, որը նշվում է այս տարի։
«Նախագահ Թրամփի ղեկավարությամբ մենք շարժվում ենք աննախադեպ տնտեսական աճի, դոլարի երկարաժամկետ գերիշխանության, ինչպես նաև ֆինանսական ուժի և կայունության ուղղությամբ։ Մեր մեծ երկրի և նախագահ Դոնալդ Թրամփի պատմական նվաճումները նշելու ավելի տեսանելի միջոց չկա, քան նրա անունը դոլարային թղթադրամի վրա դնելը»,- ասել է Բեսենթը։
ԱՄՆ գանձապետ Բրենդոն Բիչը նախագահի՝ որպես «Ամերիկայի տնտեսական վերածննդի ոսկեդարի ճարտարապետի», պատմության մեջ ունեցած ներդրումն անվանել է «անվիճելի»։ Նա ասել է, որ Թրամփի ստորագրությունն ամերիկյան արժույթի վրա դնելը «ոչ միայն տեղին է, այլև լիովին արժանի»։
Reuters-ը հաղորդում է, որ Դոնալդ Թրամփի և ֆինանսների նախարար Սքոթ Բեսենթի ստորագրություններով առաջին 100 դոլարանոց թղթադրամները նախատեսվում է տպագրել հունիսին։
Թրամփի պատկերը նախատեսվում է ներառել նաև Ամերիկայի 250-ամյակի առթիվ մի քանի նախաձեռնություններում: Արվեստի հանձնաժողովը (ստեղծվել է Թրամփի կողմից) վերջերս հաստատել է մեծ հուշամեդալային ոսկե մետաղադրամի դիզայնը, որի վրա նախագահը պատկերված է սեղանի մոտ կանգնած՝ բռունցքները սեղմած: Հանձնաժողովը նաև քննարկում է Թրամփի պատկերով մեկ դոլարանոց մետաղադրամի դիզայնը:
Թարգմանությունը՝ Էմմա Չոբանյանի
