25.03.2026 | 23:28
Կարինա Ակոպովա/ Նիկիտա Ռախմանին սպորտային զույգը հանդես է եկել ԱԱ-ի կարճ ծրագրում և փայլուն ելույթով վաստակել է 67.12 միավոր
«Թել-Սել» ընկերության տերմինալները կհամալրվեն նոր գործիքակազմով՝ ապահովելով նույնականացման բազմազան հնարավորություններ
25.03.2026 | 20:53
Վճարովի բովանդակություն
Այսուհետ Telcell Terminal-ների միջոցով բանկային հաշիվների և քարտերի համալրումը հնարավոր կլինի միայն այն դեպքում, երբ հաճախորդը անցնի պարտադիր նույնականացում։
«Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքի պահանջների համաձայն՝ տերմինալների միջոցով բանկային հաշիվներին և քարտերին փոխանցումներ կատարելիս հաճախորդները պետք է անցնեն պատշաճ նույնականացում։ Հակառակ դեպքում բանկերը չեն ընդունի գործարքները։
Ինչպես հայտնի է, մարտի 19-ից բանկերը դադարեցրել են առանց նույնականացման կատարվող վճարումների ընդունումը։ Այս փոփոխություններին համապատասխան՝ «Թել-Սել» ընկերությունը մշակել է լուծումներ՝ ապահովելու իր տերմինալների անխափան աշխատանքը։
Ներկայումս արդեն հասանելի է դրանցից մեկը՝ Telcell Wallet հավելվածի միջոցով QR կոդի սկանավորումը, որը հնարավորություն է տալիս նույնականանալ։
Ընկերության գլխավոր տնօրենի տեղակալ Լիանա Հունանյանի տեղեկացմամբ՝ առաջիկա օրերին տերմինալները կհամալրվեն նոր գործիքակազմով, որը կապահովի նույնականացման տարբեր հնարավորություններ։
Մանրամասները՝ կից տեսանյութում
«ԹԵԼ-ՍԵԼ» ԲԲ ընկերությունը վերահսկվում է ՀՀ Կենտրոնական բանկի կողմից։
