Նիկոլ Փաշինյանին հրավիրում եմ բանավեճի․ եթե նա վախենում է, ո՞վ է պատասխանատու անվտանգային հարցերով. Արման Թաթոյան

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Հայաստանի քաղաքական համակարգում չկան պատերազմ ցանկացող ուժեր։ Այս մասին մամուլի ասուլիսի ժամանակ հայտարարել է «Միասնության թևեր» նախաձեռնության ղեկավար Արման Թաթոյանը։ 

«Նիկոլ Փաշինյանի հայտարարությունները, որ պատերազմամետ կուսակցություններ կան, պատերազմ բերող, բացարձակ դեմագոգիա է, և դա ծառայում է մեր երկրի, մեր հակառակորդ երկրի շահերին։ Նաև ուզում եմ հատուկ մեջբերել Արտաքին հետախուզական ծառայության զեկույցը։ Այդ զեկույցում ամրագրված է, որ 2026 թվականին անհավանական է համարվում ռազմական էսկալացիան։ Հիմա տեսեք՝ նրան ենթակա կառույցը՝ Արտաքին հետախուզական ծառայությունը, որով այդքան հպարտանում են, հայտարարում է, որ անհավանական է ռազմական էսկալացիան, Նիկոլ Փաշինյանը հայտարարում է, ամեն օր խոսում է պատերազմի մասին։ Ակնհայտ է, որ սա նրա քաղաքական պատասխանատվությունն է և նրա կողմից օգտագործվող սպեկուլյացիա է»,- ասել է Թաթոյանը։

Նրա գնահատմամբ՝ իշխանությունները, տարիներ շարունակ չապահովելով զսպման և ինքնապաշտպանական կարողությունների բավարար զարգացում, այսօր փորձում են անվտանգային սպառնալիքները դարձնել քաղաքական գործիք՝ ազդելու հանրային տրամադրությունների և ընտրական վարքագծի վրա։ Ըստ Թաթոյանի՝ իշխանությունները ձախողել են Հայաստանի անվտանգության ու պաշտպանական կարողությունները։ 

«Եվ դրա համար է, որ ես Նիկոլ Փաշինյանին հրավիրում եմ բանավեճի, եթե ինքը վախենում է գալ, կարող է… չգիտեմ՝ ով է իրենց մոտ պատասխանատու այս հարցերով, թեպետ նրանք էլ ամբողջությամբ ձախողված են։ Իմ այդ բանավեճի բովանդակային կողմն ակնհայտ է, որ նրանք չեն կարողանալու ապահովել, որովհետև ձախողումների արդյունքն ամբողջությամբ սա է»,- ասել է Արման Թաթոյանը։

«Միասնության թևեր» նախաձեռնության ղեկավարը ներկայացրել է Հայաստանի անվտանգության համակարգի և բանակի բարեփոխման 6 քայլանոց ծրագիրը: Ըստ նրա՝ իրենց պաշտոնավարման առաջին իսկ օրը ստեղծվելու է ռազմական բարեփոխումների հանձնաժողով՝ 6-ամսյա մանդատով: Ծրագրի համաձայն՝ առաջին տարվա ավարտին բանակը պետք է ունենա զսպման լիարժեք կարողություններ, իսկ առաջին ժամկետի վերջում՝ ռազմական հավասարակշռություն հարևանի հետ: 

Նախաձեռնության ղեկավարն առաջարկում է օրենքով սահմանել, որ պաշտպանական ծախսերը չեն կարող ցածր լինել ՀՆԱ-ի 8%-ից: 

«Սա ենթադրում է բյուջեի ավելացում 1 մլրդ դոլարով, որից 500 միլիոնն ուղղվելու է տեղական ռազմարդյունաբերությանը»,- նշել է նա: 

Թաթոյանի խոսքով՝ ներդրվելու է համապարփակ անվտանգության համակարգ, որտեղ պետությունը, բիզնեսն ու քաղաքացիները կունենան հստակ դերաբաշխում: Նա նաև խոստացել է հրապարակել Ապրիլյան և 44-օրյա պատերազմների քննիչ հանձնաժողովների զեկույցները՝ նշելով, որ հասարակությունն ունի ճշմարտությունն իմանալու իրավունք: 

Ծրագրի վերջին կետը «խելացի սահմանների» և թվային պաշտպանության ստեղծումն է՝ արհեստական բանականության և եռաշերտ ավտոմատ համակարգերի կիրառմամբ: 

Բացի այդ, Թաթոյանը շեշտել է զինվորականների նկատմամբ արժանապատիվ վերաբերմունքի և Ֆրանսիայի ու ԱՄՆ-ի հետ ռազմական համագործակցության անհրաժեշտությունը:

Անի Թամրազյան