30.09.2026 | 10:02
Արտարժույթների փոխարժեքները՝ սեպտեմբերի 30-ի դրությամբ
Ոստիկանները հայտնաբերել են կեղծ խմիչքի արտադրամասեր Նոր Կյուրինում և Այնթապում. ՆԳՆ
Հասարակություն
24.03.2026 | 22:29
Մասիսի համայնքային ոստիկանության ծառայողները բացահայտել են ապօրինի ձեռնարկատիրության երկու դեպք, որոնք առնչվում են ալկոհոլային խմիչքների արտադրությանը, հայտնում է ՀՀ ՆԳՆ ոստիկանությունը։
«Մարտի 5-ին ստացված օպերատիվ տեղեկության հիման վրա Մասիսի համայնքային ոստիկանները մեկնել են Նոր Կյուրին գյուղ։ 55-ամյա տղամարդու տանը հայտնաբերվել են մեծ քանակի տակառներ և շշեր՝ լցված սպիրտային նյութով, ինչպես նաև թորման տարբեր սարքեր։ Տանտերը հայտնել է, որ բոլոր գտածոները իրենն են և արդեն մեկ տարի զբաղվում է ալկոհոլային խմիչքների արտադրությամբ։
Նույն կերպ մարտի 19-ին Մասիսի համայնքային ոստիկանները հայտնաբերել են ապօրինի գործունեություն ևս մեկ դեպք Այնթապ գյուղի 70-ամյա բնակչի այգում գտնվող շինությունում հայտնաբերվել են թորման և ալկոհոլային խմիչք պատրաստելու սարքեր։ Տանտերը ընդունել է, որ պատրաստել և վաճառել է օղի՝ տարբեր անձանց»,- ասվում է հաղորդագրությունում։
Երկու դեպքերի առթիվ Մասիսի քննչական բաժնում հարուցվել են քրեական վարույթներ՝ ապօրինի ձեռնարկատիրական գործունեության հատկանիշներով։
