Իրանում պատերազմը հակասում է միջազգային իրավունքին. Գերմանիայի նախագահ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

ԱՄՆ-ի և Իսրայելի կողմից Իրանի դեմ պատերազմը «ճակատագրական քաղաքական սխալ» է։ Այս մասին հայտարարել է Գերմանիայի նախագահ Ֆրանկ-Վալտեր Շտայնմայերը Բեռլինում երկրի ԱԳ նախարարության վերակազմավորման 75-ամյակին նվիրված միջոցառման ժամանակ, գրում է DW-ի ռուսական ծառայությունը։

Քաղաքական գործչի խոսքով՝ Իրանում ռազմական արշավը «հակասում է միջազգային իրավունքին» և «կարող էր կանխվել»։

«Ճեղքը չափազանց խորն է, և ամերիկյան ուժային քաղաքականության նկատմամբ վստահությունը կորել է ոչ միայն դաշնակիցների շրջանում, այլև ամբողջ աշխարհում»,- ասել է Շտայնմայերը։

Նա հավելել է, որ Վաշինգտոնի հետ հարաբերություններն «այլևս չեն վերադառնա 2025 թվականի հունվարի 20-ից առաջ եղած ժամանակահատվածին», երբ սկսվել է Դոնալդ Թրամփի երկրորդ նախագահական ժամկետը։ Շտայնմայերը կարծիք է  հայտնել, որ Բեռլինը պետք է պրագմատիկ լինի ներկայիս ամերիկյան վարչակազմի հետ իր հարաբերություններում և «կենտրոնանա իր հիմնական շահերի վրա», բայց «չզիջի իր սկզբունքներին» կամ անտեսի միջազգային իրավունքը։

«ԱՄՆ կառավարությունն ունի մեզանից տարբերվող աշխարհայացք՝ այնպիսին, որը չի հարգում սահմանված կանոնները, գործընկերությունները կամ դժվարությամբ ձեռք բերված վստահությունը։ Մենք չենք կարող փոխել դա։ Մենք պետք է գործ ունենանք դրա հետ։ Բայց ես համոզված եմ, որ մենք որևէ պատճառ չունենք միանալու այդ աշխարհայացքին»,- ասել է նա։

Շտայնմայերը շեշտել է, որ Գերմանիայի արտաքին քաղաքականությունն «ավելի համոզիչ  չի լինի, եթե միջազգային իրավունքի խախտումը չանվանենք միջազգային իրավունքի խախտում»։

«Միջազգային իրավունքը հին ձեռնոց չէ, որը մենք պետք է դեն նետենք, ինչպես ուրիշներն են անում»,- ասել է նա։

Գերմանիայի նախագահը կրկնել է, որ Եվրամիությունը կառուցված է օրենքի և կանոնների վրա, և այն «կփլուզվի, եթե ընդունենք բիրտ ուժի աշխարհայացքը»։

Գերմանիայի արտաքին գործերի նախարար Յոհան Վադեֆուլը, իր հերթին, ուշադրություն է  հրավիրել տրանսատլանտյան հարաբերություններում տեղի ունեցող փոփոխությունների վրա։ Նրա կարծիքով՝ Եվրոպայի անվտանգությունը, որը, հավանաբար, վերջին 75 տարվա ընթացքում ամենալուրջ սպառնալիքի տակ է, պետք է դառնա «առաջնահերթություն»։

Միաժամանակ, Գերմանիայի արտաքին գործերի նախարարը կոչ է արել բոլորին հիշել, որ հենց Միացյալ Նահանգներն է օգնել Գերմանիան ազատագրել նացիստական ​​ռեժիմից, ստեղծել Դաշնային Հանրապետությունը և հնարավոր է դարձրել երկրի վերամիավորումը։

Թարգմանությունը՝ Էմմա Չոբանյանի