13.05.2026 | 21:30
Ստացվել է դեղի կեղծ սերիայի ահազանգ. ԱԱՏՄ-ն զգուշացնում է
Ծննդկանի մահվան դեպքով քրեական վարույթ է նախաձեռնվել
Հասարակություն
24.03.2026 | 11:53
Երևանի ծննդատներից մեկում արձանագրվել է ծննդկանի մահ։ Առողջապահության նախարարությունից Factor.am-ին հայտնեցին, որ ծննդաբերության ընթացքում դիտվել է հղիի վիճակի կտրուկ վատթարացում՝ գիտակցության կորուստ:
«Բժշկական թիմի կողմից արվել են հնարավոր միջոցառումները, կատարվել է շտապ կեսարյան հատում: Բժշկական թիմի և Առողջապահության նախարարության ջանքերով անմիջապես կազմակերպվել է ծննդկանի՝ 3-րդ մակարդակի վերակենդանացման բաժանմունք տեղափոխելը: Ցավոք, ծննդկանի կյանքը փրկել չի հաջողվել»,- փոխանցեց ԱՆ խոսնակ Մայրամ Ծատրյանը:
Դատաբժշկական փորձաքննություն է նշանակվել:
Երեխայի առողջական վիճակն այս պահի դրությամբ կայուն ծանր է:
Քննչական կոմիտեից էլ փոխանցեցին, որ 2026 թվականի մարտի 22-ին ստացված հաղորդման առթիվ նույն օրը նախաձեռնվել է քրեական վարույթ՝ Քրեական օրենսգրքի 187-րդ հոդվածի 2-րդ մասի հատկանիշներով (բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է մարդու մահ):
Անի Թամրազյան
