20.05.2026 | 17:07
Անչելոտին նշել է ԱԱ-2026-ի ֆավորիտներին
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Քաղաքականություն
23.03.2026 | 23:28
ԱՄՆ նախագահ Դոնալդ Թրամփը Մերձավոր Արևելքում ԱՄՆ-ի, Իսրայելի և Իրանի մասնակցությամբ ընթացող հակամարտությունը բնութագրել է որպես «ռազմական գործողություն», այլ ոչ թե պատերազմ, փոխանցում է Meduza.io-ն։
Մեմֆիսում հանցավորության դեմ պայքարին նվիրված կլոր սեղանի ընթացքում Թրամփը հայտարարել է. «Դեմոկրատները սա պատերազմ են անվանում, մենք դա կոչում ենք ռազմական գործողություն»։
Սպիտակ տունը սկզբից ի վեր խուսափում է Իրանի հետ հակամարտությունը «պատերազմ» անվանելուց՝ այն ներկայացնելով որպես «Էպիկական զայրույթ» («Epic Rage») անունով գործողություն։ Սակայն Թրամփը առնվազն մեկ անգամ տեղի ունեցողը բնութագրել է նաև որպես «պատերազմ»։
ԱՄՆ Սահմանադրությամբ պատերազմ հայտարարելու իրավունքը պատկանում է Կոնգրեսին, սակայն Երկրորդ համաշխարհային պատերազմից ի վեր այն որևէ ռազմական հակամարտություն պաշտոնապես չի հաստատել։
Իրանի դեմ ռազմական գործողությունների մեկնարկից հետո դեմոկրատները երկու անգամ փորձել են ԱՄՆ Սենատում սահմանափակել Թրամփի ռազմական լիազորությունները, սակայն այդ նախաձեռնությունները ձախողվել են։
